Макал лакаптар жыйнагы (Ш)

Ш тамгасына кыргызча макал лакаптар жыйнагы — бул жыйнакта билим, ден-соолук, адамдар, мекен, жамандык-жакшылык, кыз-жигит, эрди-катын, эл башчылары, жаныбарлар, эмгек, акылдуулук, пайда-пайдасыз, тил, эне-ата, акыйкаттык жана башка көптөгөн турмуш-тиричиликке байланышкан кыргыз эл макал лакаптарын жыйнадык.

Достор Ш тамгасына болгон макал лакаптар аз, ошондуктан бул бөлүмдү толуктоого силерди чакырабыз, пикир жазуу формасына Ш тамгасынан башталган макалдарды кошсоңуз болот. Заманбап, жаңы макалдар дагы жаза бергиле, макалар элдики.

Ш

• Шагылы болбой зоо болбойт, шайыры болбой эл болбойт.
• Шайтан азгырганды, шамал оодарат.
• Шайтан болсо, арык аттабай бут сынат.
• Шайтан болсо, буламыктан тиш сынат.
• Шайтанды да, бир катарында азгырып, жолдон чыгарып кеткен азезил.
• Шайтандын да молдонукундай зикири бар.
• Шайыр аялдан шылдыңчыл уул туулат.
• Шайыры болбой эл болбойт, пейили жакшы кем болбойт.
• Шак мөмөлөгөн сайын ийилет.
• Шакары бар, майы жок — мендей муңдуу бар бекен, көчкөндө көлүк өлтүргөн сендей муңдуу бар бекен.
• Шакылдаган жигитти жоо бетинде көрөрмүн.
• Шакылдаган катынды — кыз бергенде (эл көчкөндө же үй чечкенде) көрөрмүн, бакылдаган текени — суу кечкенде көрөрмүн.
• Шалтуруктун шайы жок, камдуунун алы көп.
• Шам түбөлүк күйбөйт.
• Шамал болбосо, теректин башы кыймылдабайт.
• Шамал болот десе, үйүңө аркан сал, жоо келет десе, колуңа кылыч менен калкан ал.
• Шамал жерди кургатат, байлык элди жыргатат.
• Шамал жерди кургатат, дөөлөт жанды жыргатат.
• Шамал жерди кургатат, жамгыр жерди жыргатат.
• Шамдагайлык — асыл сапат, шайырлык — алтын сапат.
• Шамыяны шайлабай, буурсунду соктурбай, кара жерди каңтарбай, дыйкандарга мал кайда.
• Шарыят — буйлалаган төө, кайда жетелесең кете берет.
• Шарыятты укмак бар, куумай жок.
• Шашкан — шайтандын иши.
• Шашкан ашка бышкан.
• Шашкан коён аңга батпайт.
• Шашканга шайтан шерик.
• Шашылыш бүткөн иш — саз болбойт, чала бышкан аш — аш болбойт.
• Шеги бар — шектенет.
• Шеги бар шекийт (же шектүү шекинет).
• Шеги бар шекшийт.
• Шектенүү — шерттешкен достукту бузат.
• Шектүү — секирет, шеги жок — кекирет.
• Шектүү шекшинет (же шеги бар шекшийт).
• Шибегени капка ката албайсың.
• Шилби көрсөң жулбагын, быбык көрсөң урбагын.
• Шодокондун бүркүтүндөй жутунбай.
• Шок бол, шок болбосоң жок бол.
• Шок болсоң жок болоорсуң.
• Шордууга бакыт алыс, кырсык жакын.
• Шордууга шорполуу тамак жакпайт.
• Шордууга шорполуу эт жакпайт.
• Шору көптүн сөзү көп.
• Шумкар баласы саркыт койбой жем жебейт, жетесинде тойбогон тоймоюнча кел дебейт.
• Шумкарды жүнүнөн тааны, жакшыны үнүнөн тааны.
• Шыбыр — кеп болбойт, шыйрак — эт болбойт.
• Шыбыр кеп эмес, шыйрак эт эмес.
• Шынааны шынаа менен кагып чыгарат.