Макал лакаптар жыйнагы (Н)
Н тамгасына кыргызча макал лакаптар жыйнагы — бул жыйнакта билим, ден-соолук, адамдар, мекен, жамандык-жакшылык, кыз-жигит, эрди-катын, эл башчылары, жаныбарлар, эмгек, акылдуулук, пайда-пайдасыз, тил, эне-ата, акыйкаттык жана башка көптөгөн турмуш-тиричиликке байланышкан кыргыз эл макал лакаптарын жыйнадык.
Достор Н тамгасына болгон макал лакаптар көп эмес, ошондуктан силер дагы өз салымыңыздарды кошуп, пикир жазуу формасына Н тамгасынан башталган макалдарды кошсоңуз болот. Заманбап, жаңы макалдар дагы жаза бергиле, макалар элдики.
Н
- Наабай өлүп жатса, койнунан наны чыгып жатат.
- Наабайчынын үйү «апырык» менен «сапырык».
- Нааданга айткан кайран сөз, өлгөнгө (улукка) ыйлаган кайран көз.
- Наадандык — тирүүлүктүн өлүмү.
- Наадандын кылган кастыгын жакшылык менен жеп ал.
- Найза жеңбегенди нан жеңет.
- Найза саймак — эрдиктен, ат жоорутмак — тердиктен.
- Накта башчы орой, көзүчарайда сүйлөйт.
- Накүстөдөн карыздар болбо, ооган менен дос болбо.
- Намыс балаадыр, отко сууга саладыр.
- Намысынан катын кара киет.
- Нандан улуу тамак жок, адамдан улуу атак жок.
- Нандан улуу тамак жок.
- Нандын ысыгы жакшы, сөздүн бышыгы жакшы.
- Нансыз тамак даамсыз.
- Наны жок чай курусун кайыры жок бай курусун.
- Наны жок чайдан без, кайыры жок байдан без.
- Нар баласын карпып сүйөт.
- Нар төөнү өргө тартса — алкынар, эр жигитке дөөлөт бүтсө — шалпынар, каздын этин жебеген шумкарлар колго түшсө, тартынакка талпынар.
- Нар төөнү өргө тартса, алкынар.
- Нарк кымбат бөлсө, сатармандын нысабы кетет.
- Насип кылган ашыңдын, буюрганын ашайсың.
- Ногойдон насыя алсаң же айт күнү, же той күнү доолайт.
- Нысапсызга (же нысабы жокко) кашык салсаң, беш ууртайт.
- Нысапсызга кашык салса беш ууртайт.
