Музыкага байланыштуу макалалар
Музыкалык жанрлар — музыканын кайсы бир багытта, стилде, түзүмдө, ритмде, темадикада, маданий салтта же кандайдыр бир өзүнө гана таандык ыргакта аткарылышы. Музыкалык багыттын төрт түрү бар: элдик, рухий (диний), академиялык жана популярдуу (белгилүү) музыка. Ар бир багытка бир нече музыкалык жанрлар таандык, жана ар бир жанрда көптөгөн жанрчалар бар.
Кыл кыяк же классикалык кыл кыяк (англисче viola, орусча скрипка) — Gm D1 A1 E2 квинталары боюнча туураланган, төрт кылдуу жаалуу музыкалык аспап.
Жетиген (жеткан, жетихан, чатыган деген аталышта дагы белгилүү) — жалпак арфаны элестеткен кыргыздын байыркы көп кылдуу чертме музыкалык аспабы.
Жыгач ооз комуз (жалпы аталышы — ооз комуз) — кыргыздын тилчелүү чертме музыкалык аспабы (идиофон).
Темир ооз комуз (кыскача — темир комуз, жалпы аталышы — ооз комуз) — темирден жасалган кыргыздын тилчелүү чертме музыкалык аспабы (идиофон).
Ооз комуз (орусча варган) — рамканын кызматын аткарган эки жаагынын ортосунда сөөмөй же жиптин жардамы менен тилчеси эркин термелген тилчелүү музыкалык аспаптын түрү (идиофон).
Добулбас, добул же доолбас (араб-иранча давылнуваз — доолчу [барабанчы], доол уруучу) — үстүңкү бетине, кээде астына дагы жаныбардын терисинен (төөнүн, пилдин, учурда көбүн эсе ири мүйүздүү малдын) мембрана тартылып, формасы цилиндр өңдүү кыргыздын байыркы урма музыкалык аспабы.
Чопо чоор — аты айтып тургандай эле чоподон жасалган, формасы сүйрү же тоголок сымал келип, бир учунда ичкерип кеткен оозу бар кыргыздын үйлөмө музыкалык аспабы. Алгач өлкөнүн түштүгүндө, Ош облусунда колдонулган, андан кийин Кыргызстандын бардык аймагына жайылган. Башка аталыштары: ылай чоор, ышкырык.
Сыбызгы (башкырча һыбыҙғы, карачай-балгарча сыбызгъы, казакча сыбызғы — sybyzgy) — кыргыздын үйлөмө музыкалык аспабы. Узатасынан ачык болгон флейтанын түрү.
Сурнай (сурна, азербайжанча жана түркчө zurna, курдча zirne, армянча զուռնա, грекче ζουρνάς, казакча сырнай, чувашча сарнай, сербче жана македонияча зурла) — Жакынкы жана Орто Чыгышта, Индияда, Орто Азияда, Кичи Азияда, Кавказда, Балкандарда, ошондой эле, Кыргызстанда жайылган кош таякчалуу, тилчелүү (чымылдагы) жыгач үйлөмө музыкалык аспап.