Жай мезгили

Окуучулар жайкы эс алууга тарашып, ата-энелер жайкы эмгек өргүүлөрүнө чыгышат. "Жай" мезгили - саякаттын, эс алуунун мезгили. Ысык-көл, тоолор, токойлор, шишкебек, чоң-ата, чоң-эне, лагерь, чиркей, дарбыз, аллергия, күнгө күйүү, футболка, кепка - мунун баары жай мезгили десек да болот. Барыбыз болбосок да, көбүнчөбүз санаторийлерге путевкаларды алып(кээ бирлерибиз чет өлкөлөргө чыгып), балдар лагерьлерге жөнөшүп, кийим-кечектерди сумкага салып, ал гана эмес, ит-мышыктарыбызды кошо эс алууга алып, ызылдаган шаардан чыгып, табигый таза аба, кымыз жыттанган жайлоолорго кетебиз!

Ал эми орто мектепти бүткөн окуучулар ар кайсы окуу-жайларга тапшыруу үчүн кам көрүшүп, документ чогултуп, тест берип иши кылып "Кантип кесип тандоо керек" деген суроого жооп издешип, кайсы окууга тапшырсам деп турган чактары, бирок эми бул жалаң гана "жай" мезгилине тиешелүү эмес.

"Жай" - жыл мезгилдеринин бири, жаз жана күз мезгилдеринин ортосунда болуп, айлана чөйрөнүн жогорку температурасы менен айырмаланат.

Жай мезгили үч айдан турат: Түндүк жарым шарда - июнь, июль жана август айлары, ал эми түштүк жарым шарда - декабрь, январь жана февраль айлары.

Астрономиялык жай:

Жер кыртышынын мезгилдик өзгөрүүлөрү жердин күндү бир жылда айланып чыгуусу жана жердин орбиталдык огунун жантаюуусу менен шартталат.

Астрономиялык көз карашта жай - бул жайкы күндүн турушу менен күзгү күн-түндүн теңелүү ортосундагы мезгил болуп, түндүк жарым шарда 20(21)-июндан тартып 22(23)-сентябрга чейин созулат, ал эми түштүк жарым шарда 21(22)-декабрдан тартып 20(21)-мартка чейин болот. Түндүк жарым шарда жай мезгили болжол менен 93,6 суткага жетет, түштүк жарым шарда - 89 сутка.

Климаттык жай:

Ар башка географиялык алкактарда күндүн нурларынын бирдей эмес тийгенине байланыштуу, жай мезгили кыш мезгилине караганда ар кандай деңгээлде айырмаланып турат.

Кеңдиктин кеңейүүсү менен күндүзгү убакыттын узундугу жай жана кыш мезгилдериндеги айырмалары жогорулайт да, жер шарынын полюстарында бул айырма максимумга жетип, ал жакта жайкысын күн 6 ай бою горизонтко кирбей, тийип тура берет.

Гидрометеокызматчылар абанын орточо температурасы +15 градустан өтүп, жогорулай баштаганда жай мезгили келип, абанын орточо температурасы ошол эле +15 градустан төмөндөй баштаганда жай мезгилинин аяктаганы болот. Ошондой эле жай мезгилинин келиши катары түнкү үшүк жүрүүлөрдүн токтошу да кабар берет, ал эми жай мезгилинин аякташы, кайра эле түнкү үшүк жүрүүлөрдүн башталышы жүйөлүү себеп катары эл ичинде пайдаланылат.

Айтып өткөндөй эле жай мезгили үч айдан турат, биздин өлкөдө булар - июнь, июль жана август айлары. Жылдыздар төлгөсүндөгү бул айда төрөлгөн зодиак белгилери: Эгиздер, Бөйөн, Арстан жана Бийкеч

Жай мезгили жаз мезгилиндей эле айыл аймактарындагы адамдар үчүн эмгектенүүнүн мезгили: дыйкандар ар түрдүү жай мезгилине бир нече жолу түшүм алуучу өсүмдүктөрдү сээп, чөп чабып, малдын кышкы камын көрүп, ал эми малдар болсо жайлоолордо болушат.

Аба-ырайы жай мезгилинде көбүнчө ысык болот, бирок жаан-чачындар дагы болот, жайкы жаан чачындар өзгөчө кооз болуп, деги эле табияттын түркүм кооздуктары жай мезгилинде абдан жакшы байкалат.

Жай мезгилиендеги Кыргызстан майрамдары: 1-июнь эл аралык балдарды коргоо күнү, 5-июнь айлана-чөйрөнү коргоонун бүткүл дүйнөлүк күнү, 15-июнь өрткө каршы кызматкерлеринин күнү, 23-июнь мамлекеттик ишмерлер күнү, 1-июль медицина кызматкерлеринин майрамы, 31-август - Эгемендүүлүк күнү.

Эгер "Жай" мезгилине тиешелүү пикирлериңиз болсо, төмөндөгү пикир жазуу формасына жазыңыз!

Оставьте комментарий!

Пикириңиз текшерилгенден кийин жайгаштырылат.

Вы можете войти под своим логином или зарегистрироваться на сайте.

(обязательно)