Кыргызстан майрамдары, белгилуу даталар, бардыгын ушул бөлүмгө жайгаштырдык.
Кыргыз Республикасынын мамлекеттик саясатынын бирден-бир маанилүү тармагы, билим берүү системасы экенин эске алып, ошондой эле билим берүү жана тарбия жумушчуларынын маанилүү ролун эстен чыгарбай, Кыргыз Республикасынын Өкмөтүнүн 2008-жылдын 5-февралындагы №36 Токтому аркылуу "Октябрь айынын биринчи жекшемби күнү" - жыл сайын мугалимдердин профессионалдуу майрамын белгилөө күнү деп кабыл алынган. Бирок, 2014-жылдын өкмөттүн токтомуна ылайык Мугалимдер күнү жыл сайын 5-октябрь күнү белгиленет. Ал эми Бүткүл дүйнөлүк мугалимдер күнү 1994-жылдан тарта жылда 5-октябрда өткөрүлөт.
Ак калпак күнү — Кыргызстанда калпак баш кийимине арналган, жыл сайын 5-мартта өткөрүлүүчү майрам. Жогорку Кенештин 2016-жылдын 29-июнундагы №825-VI токтому менен улуттук баш кийимдин маанисин сактоо жана сыйлоо, улуттук салты колдоо жана элдин кыргыз маданиятына болгон сыймыктануу сезимдерин ойготуу максатында кабыл алынган.
Билим күнү (1-сентябрь, Биринчи коңгуроо майрамы) — орто мектептердеги окуу процессинин (жаңы окуу жылынын) үч айлык эс алуудан кийин башталышын айгинелеген майрам, салтанаттуу иш-чара. 1-сентябрь күнү — иш күн. Эгер бул күн жекшембиге туура келсе майрамдык салнаттар 2-сентябрда болот.
Кыргыз Республикасынын эгемендүүлүк күнү (Официалдуу — Кыргыз Республикасынын Көз карандысыздыгынын күнү) — Кыргызстандын улуттук майрамы.
Эл аралык карылар күнү — 1991-жылдын 1-октябрынан тарта белгиленип келүүчү карылар күнү.
1999-жылдын 17-ноябрында ЮНЕСКОнун Генералдык конференциясы тарабынан жарыяланган 21-февраль Эл аралык эне тил күнү (International Mother Language Day) жыл сайын 2000-жылдан бери тил жана маданият түрдүүлүгүнө жана көп тилдүүлүккө көмөк көрсөтүү максатында белгиленип келет. Бул майрамды «Бүткүл дүйнөлүк эне тил күнү» деп дагы айтышат.
8-март аялдардын эл аралык майрамы, башкача айтканда эл аралык аялдар күнү - аялзатынын саясат, экономика, социалдык чөйрө тармактарында жетишкендиги белгиленип, планетадагы аялдардын мурункусу, азыркысы, келечеги майрамдалат.
Жаңы жыл — жылдын акыркы күнүнөн кийинки жылдын биринчи күнүнө өтүү учурунда келүүчү башкы календарлык майрам. Кабыл алынган календарга ылайык көптөгөн элдер майрамдашат.
Эл аралык балдарды коргоо күнү же Балдарды коргоонун эл аралык күнү — Жер планетасындагы көйгөйлөргө, маселелерге балдардын кабылуусуна көңүл бурууга чакырган эл аралык күн.
Конституция күнү — Кыргыз Республикасынын Конституциясынын кабыл алынган күнү, жыл сайын 5-май күнү белгиленет, башкача айтканда өлкөнүн баш мыйзамынын туулган күнү. 5-май конституция күнү кандай пайда болгонун билип алалы.