Медицинага тиешелүү макалалар, терминдер, оорулардын аталыштары
"Кантип арыктаса болот" - бул суроо көптөгөн адамдарды ойлондурса керек, албетте "Кантип арыктаса болот" темасы боюнча миндеген макалар жазылып, миндеген диеталар бар. Бирок арыктоонун негизги шарты катары туура тамактануу жана активдүү жашоо образын жүргүзүү болот.
Дезинфекция — бул жугуштуу оорулардын козгогучтарын жана айлана-чөйрөдөгү токсиндерди жок кылууга, алардын теринин, былжыр челдин жана жарааттардын бетине түшүп кетишине жол бербөөгө багытталган иш-чаралар комплекси. Жугушсуздандыруунун бир түрү.
Аскаридоз (латынча Ascaridosis) — нематодоз тобундагы ичеги инвазиясы (кишиге жана айбандарга мителердин жугушу), козгогучтары — аскаридалар (Ascaris lumbricoides). Аскаридалар ичке ичегиде мителик кылат (паразиттик кылат). Бойго жеткен гельминттин узундугу 25 — 30 см. түзөт.
Антисептик же антисептиктер (грек тилинен anti "каршы" sepsis "ириңдүү") - ачык жарааттардын бетиндеги бузулуу процесстеринин алдын алуу үчүн ириңге каршы каражаттар. Мисалы, операциядан кийинки, же сыйрылган жарааттар. Ошондой эле кандагы башталган өзгөрүүлөрдү басаңдатуучу каражаттар. Антисептиктер хирургтардын жана медициналык кызматкерлердин бейтап менен байланыш алдында колдорун дезинфекциялоо үчүн колдонулат.
Нерв системасы — нерв түзүмдөрүнүн өз ара ар түрдүү байланыштарынын бүтүндүү морфологиялык жана функционалдык жыйындысы.
"Лыжа спорту" — спорттун кеңири таралган массалык түрү. Анын лыжа менен жарышуу, секирүү, тоодон ыкчамдык менен түшүү, туристтик жүрүштөр, лыжа тээп сейилдөө жана башкалар түрлөрү бар.
"Коз оорулары" абдан көп. Жаштар дарыгерге кургак көз синдромунун, сезгенүүнүн, көрүүнүн начарлоосунун айынан кайрылышат. Улгайган жаш куракта айтылган оорулардан сырткары катаракта, глаукома, көздөгү сары тактын бузулуусу (дегенерация макулы) маселе жаратат. Бейтаптардын эстүүлүгүнүн максатында төмөнкүдө биз кеңири тараган көз оорулары тууралуу маалымат беребиз.
Даам берүүчү заттар, приправалар, специялар, татымалдар — азык-түлүктөрдүн, тамак-аштардын даамын жана жытын жакшыртуучу химиялык заттар, өсүмдүк тектүү биологиялык өндүрүмдөрдүн бөлүктөрү жана алардын аралашмалары.
Геморрой (көк баш) — көтөн чучуктун веналарынын варикоздук (түйүн сымал) кеңейиши. сырткы жана ички болуп бөлүнөт. Сырткы геморрой көтөн чучуктун сырткы веналарынын, ал эми ички геморрой көтөн чучуктун ички веналарынын кеңейишинен пайда болот.
Бронхит — бронхтордун былжыр челинин, трахеядан өпкө альвеолдоруна кетүүчү кемирчектүү түтүкчөлөрдүн сезгенүүсү менен мүнөздөлгөн, төмөнкү дем алуу жолдорунун оорусу. Латынча bronchitis (бронхалар) + itis (сезгенүү).