Жай түнү
| Жай түнү | |
|---|---|
| Сөзү | Байдылда Сарногоевики |
| Обону | А. Абдыласовдуку |
Жай мезгил, тыптынч айлана
Асмандан калкып ай гана.
Айга окшоп мен да токойдо,
Кыдырып жүрдүм жай гана.
Жан жактан муздак жел келет,
Жалбырак-бутак термелет.
Жанаша өскөн кайың-тал,
Жаш бозой-селки өңдөнөт.
Бадалдуу бактын түбүндө,
Тийишип ийин-ийинге.
Эзилип эки жаш турат,
Тартылып таттуу сүйүүгө.
Мен болсом лира сүйгөнүм,
Тапсам дейм сөздүн гүлдөрүн.
Ойлонуу менен өткөрөм,
Кез кезде жайдын түндөрүн.
Жайгаштыруу: 2016-05-20, Көрүүлөр: 1728, Өзгөртүлгөн: 2023-08-02, Тарыхы
