Термоинтерфейс, көбүнчө термопаста — муздатылуучу бет менен жылуулукту өткөрүүчү түзүлүштүн ортосундагы жылуулук өткөрүүчү курам (адатта көп компоненттүү) катмары. Көп жайылган термоинтерфейс түрүнө жылуулук өткөрүүчү пасталар (термопаста) жана компаунддар саналат.
CSS — белгилөө тилин колдонуу менен көбүнчө HTML же XHTML жазылган документтердин (веб-барактардын) тышкы көрүнүшүн баяндоочу (көркөмдөөчү) формалдык тил. Ошондой эле, каалаган XML документине колдонулушу мүмкүн, мисалы SVG же XUL. Англисче Cascading Style Sheets — «стилдердин каскаддык [көптүк] таблицалары».
Технология (байыркы грек тилинен τέχνη «искусство, чеберчилик, жөндөмдүүлүк» + λόγος «сөз; ой, маани, түшүнүк») — көздөгөн натыйжага жетүү ыкмаларынын жана каражаттарынын (аспаптарынын) жыйындысы; кеңири мааниде — практикалык маселелерди чечүү үчүн илимий билимди колдонуу. Технология өзүнө иштин (жумуштун) ыкмаларын, анын режимин, иш-аракеттердин ырааттуулугун камтыйт.
Веб барак (англисче Web page, кырг. web барак, web бет деп да аташат.) — веб-браузер аркылуу кирүүгө же ачууга мүмкүндүк болгон, дүйнөлүк желенин маалыматтык ресурсу же документи. Типтүү веб барак html форматындагы тексттик файлды мүнөздөйт. Ал башка форматтардагы файлдарга шилтемени камтышы мүмкүн (тексттик, графикалык сүрөттөр, видео, аудио, мультимедия, апплеттер, прикладдык программалар, маалымат базасы, веб-кызматтар жана башкалар). Ошондой эле башка веб барактарга же шилтеме файлдарга өтүү үчүн гипершилтемелерди камтыйт.
Информатика (нем. Informatik) — маалыматты алуу, топтоо, сактоо, өзгөртүп түзүү, берүү, коргоо жана пайдалануунун жолдору тууралуу илим.
Алгоритм, сейрек алгорифм (латынча algorithmi — ортоазиялык математик Аль-Хорезминин ысымынан) — айрым класстардын тапшырмаларын же жөн гана белгилүү бир тапшырмаларды чечүү үчүн, аткаруучуга иштин иретин баяндаган так берилген эрежелердин жыйындысы же нускамалардын топтому.