Күндөр

Кыргызстан майрамдары, белгилуу даталар, бардыгын ушул бөлүмгө жайгаштырдык.

Апрель

Апрель (латынча Aprīlis – «ачуучу», «күн тарабынан жылытылуучу», «Афродита айы») — юлиан жана григориан календарлары боюнча жылдын төртүнчү айы, Цезардын марттан башталган реформасына чейинки эски римдик жылдын экинчи айы. 30 күндүк узактыктагы төрт айдын бири.

Март

Март (латынча Mārtius mēnsis — Марс айы) — юлиян жана григориан календарындагы жылдын үчүнчү айы, Цезардын реформасына чейинки эски римдик жылдын биринчи айы. 31 күндөн турган жети айдын бири. Жердин Түндүк жарым шарында (анын ичинде Кыргызстанда дагы) жаз мезгилинин биринчи айы, Түштүк жарым шарда — күз мезгилинин биринчи айы.

Февраль

Февраль (латынча Februārius mēnsis – Фебруус айы, тазалоочу ай; латындын Februa сөзүнөн – тазалануу майрамы) — Юлиан жана Григориан календары боюнча экинчи ай, кыш мезгилинин үчүнчү айы, Цезардын март реформасына чейин башталган эски Рим жылынын он экинчи айы. Жылдын эң кыска жана күндөрүнүн саны боюнча 30дан кем болгон жалгыз ай: кадимки жылдары 28 күн, толук жылы 29 күн.

Январь

Январь (латынча januarius mensis «Янус айы») — Юлиан жана григориан календарларындагы жылдын биринчи айы, Цезардын март айынан башталган реформасына чейин башталган эски римдик жылдын он биринчи айы. Узактыгы 31 күн болгон жети айдын бири. Жердин Түндүк жарым шарынын көпчүлүк бөлүгүндөгү жылдын орточо эң муздак айы, жана Түштүк жарым шарынын көпчүлүк аймагындагы жылдын эң жылуу айы.

21-сентябрь — Жусуп Баласагын күнү

21-сентябрь — Жусуп Баласагын күнү, бул күн 2023-жылдын 22-декабрында Кыргыз Республикасынын Министрлер Кабинетинин жыйынтык отурумунда кабыл алынган.

Комуз күнү

Комуз күнү — жыл сайын 9-сентябрда өткөрүлүүчү кыргыздын улуттук үч кылдуу чертме музыкалык аспабы «комузга» арналган маданий иш-чара.

Бүткүл дүйнөлүк китеп жана автордук укук күнү

23-апрель Бүткүл дүйнөлүк китеп жана автордук укук күнү — дүйнөнүн жүздөн ашык өлкөлөрүндө белгиленүүчү маданий иш-чара, майрам.

7-апрель Элдик революция

Кыргызстандагы апрель революциясы (элдик революция) — 2010-жылдын апрель айында ошол кездеги Кыргыз Республикасынын Президенти Курманбек Бакиевге каршы өткөн массалык нааразычылыктар жана баш аламандыктар.

12-декабрь — Улуттук адабият күнү

Улуттук адабият күнү — Кыргыз Өкмөтүнүн чечими менен Кыргызстанда 2011-жылдан бери жыл сайын 12-декабрда бегиленет.

Нооруз

Нооруз (персче. نوروز «жаңы күн»; ошондой эле Эл аралык Нооруз күнү; 21-март) — иран жана түрк элдеринин астрономиялык күн календары боюнча жаздын келүү майрамы. Нооруз ислам салттарына түздөн-түз таандык болбогон улуттук салт болуп эсептелинет.