Күндөр

Кыргызстан майрамдары, белгилуу даталар, бардыгын ушул бөлүмгө жайгаштырдык.

Мугалим жана мугалимдер күнү

Кыргыз Республикасынын мамлекеттик саясатынын бирден-бир маанилүү тармагы, билим берүү системасы экенин эске алып, ошондой эле билим берүү жана тарбия жумушчуларынын маанилүү ролун эстен чыгарбай, Кыргыз Республикасынын Өкмөтүнүн 2008-жылдын 5-февралындагы №36 Токтому аркылуу "Октябрь айынын биринчи жекшемби күнү" - жыл сайын мугалимдердин профессионалдуу майрамын белгилөө күнү деп кабыл алынган. Бирок, 2014-жылдын өкмөттүн токтомуна ылайык Мугалимдер күнү жыл сайын 5-октябрь күнү белгиленет. Ал эми Бүткүл дүйнөлүк мугалимдер күнү 1994-жылдан тарта жылда 5-октябрда өткөрүлөт.

Эл аралык эне тил күнү

1999-жылдын 17-ноябрында ЮНЕСКОнун Генералдык конференциясы тарабынан жарыяланган 21-февраль Эл аралык эне тил күнү (International Mother Language Day) жыл сайын 2000-жылдан бери тил жана маданият түрдүүлүгүнө жана көп тилдүүлүккө көмөк көрсөтүү максатында белгиленип келет. Бул майрамды «Бүткүл дүйнөлүк эне тил күнү» деп дагы айтышат.

1-сентябрь майрамы - билим күнү

Билим күнү (1-сентябрь, Биринчи коңгуроо майрамы) — орто мектептердеги окуу процессинин (жаңы окуу жылынын) үч айлык эс алуудан кийин башталышын айгинелеген майрам, салтанаттуу иш-чара. 1-сентябрь күнү — иш күн. Эгер бул күн жекшембиге туура келсе майрамдык салнаттар 2-сентябрда болот.

1-июнь эл аралык балдарды коргоо күнү

Эл аралык балдарды коргоо күнү же Балдарды коргоонун эл аралык күнү — Жер планетасындагы көйгөйлөргө, маселелерге балдардын кабылуусуна көңүл бурууга чакырган эл аралык күн.

Жаңы жыл

Жаңы жыл — жылдын акыркы күнүнөн кийинки жылдын биринчи күнүнө өтүү учурунда келүүчү башкы календарлык майрам. Кабыл алынган календарга ылайык көптөгөн элдер майрамдашат.