Селкиге (ыр), сөзү Б. Сарногоев, обону С. Калыгулов
Айга окшоп сүйкүм карашың,
Ай алтын
Агай деп кээде каласың.
Айчүрөк болуп буралып,
Сыланып
Ичиме чокту саласың.
Жылдыздай сүйкүм карашың
Ай алтын
Агай деп кээде каласың,
Жылмая карап токтолуп,
Оштонуп
Жүрөккө чокту саласың.
Күлгөнүң күндүн нурундай,
Сулуу ай
Күтөйүн жатка бурулбай.
Гүл болчу жыттап жүрөйүн.
Сүйөйүн
Өзүмдүн жазган ырымдай.