Нарыным (дарыяга арналган ыр), сөзү Ж. Тынымсеитова, обону Э. Маданбеков. Кошумча ыр «Нарыным»
Кагылайын жүрөк каным Нарыным,
Дал өзүңдөй шар болгун дейт агымың,
Калемиме кайрак болгон сага (а-а) арнап,
Калкым менен кошом эмгек салымын.
Көпүрөңдөн көп тиктесем Нарыным,
Көзгө түшөт көбүк черткен агымын.
Күндө келсем көңүлдөгү ырымдын,
Көбөйтөсүң корук басып жалынын.
Кубатым сен картаң энем Нарыным,
Чачын бубак ак көбүгүн шарыңдын.
Алыс кетип көрбөй калсам сагынып,
Калтыргансып жүрөгүмдүн жарымын.
Кагылайын жүрөк каным Нарыным,
Дал өзүңдөй шар болгун дейт агымың,
Калемиме кайрак болгон сага арнап,
Калкым менен кошом эмгек салымың.