Мен кыргыздын акыны (ыр)
| Мен кыргыздын акыны | |
|---|---|
| Автор | Алыкул Осмонов |
| Дата | Белгисиз |
| Жери | Белгисиз |
Ким берсе да жакшы берген бактымды,
Ким койсо да жаман койгон атымды,
Ушакчыдан: не кылам деп сурасам,
–Беш тыйынга мага сат дейт даңкыңды!
Сатам! Алсын!
Кайдан билсин баркымы?
Чайга салып жутар кезде:
Заар тилин куйкалачуу
Мен кыргыздын акыны!
Карлуу күнү берсе керек бактымды,
Аяз күнү к ойсо керек атымды.
Ичи арамдан: не кылам деп сурасам,
Бир тыйынга мага сат дейт даңкыңды!
Сатам! Алсын!
Кайдан билсин баркымы?
Кантка салып жутар кезде:
Кара көңлүн куйкалачуу,
Мен кыргыздын акыны!
Жайгаштыруу: 2024-03-20, Көрүүлөр: 261, Өзгөртүлгөн: 2024-03-20, Тарыхы
