| Кыргыз күүсү (ыр) | |
|---|---|
| Сөзү | К. Акаев |
| Обону | У. Сыдыков |
Биздин мекен бакытка бай, шаңга бай,
Биздин мекен жарыкка бай, таңга бай.
Кайда барсам музыканын күүлөрү,
Кантип турам толкунданып ырдабай.
Уксам күүнү токтоналбай кетемин,
Учкан куштай ай-асманга жетемин.
Өзүм көргөн өзгөрүлбөс махабат,
Өздөштүр дейт татаал турмуш тереңин.
Кыргыз күүсү жалын жаштын кырдаалы,
Кыргыз күүсү махабаттын сырлары.
Кыргыз күүсү картайганды жашарткан,
Кыргыз күүсү өмүрүмдүн жыргалы.
Кошумча маалымат: Күү (музыкада)