TYUP.NET
Баш барак | Ырдайлы кыргыз ырларын | Ак кайың (ыр), сөзү С. Жусуевдики, обону Р. Абдыкадыров

Ак кайың (ыр), сөзү С. Жусуевдики, обону Р. Абдыкадыров

Акыркы оңдоо:
Ак кайың (ыр)
СөзүС. Жусуевдики
ОбонуР. Абдыкадыровдуку

Көрүнүп көзгө дапдайын,
Көчөдө жалгыз ак кайың.
Калтырап турат сумсайып
Кар басып бутак-шактарын.

Ал эстейт жайдын кечтерин,
Атырды гүлдөр сепкенин.
Кыз-жигит келип түбүндө,
Кыналып тургап кездерин.

Көңүлгө көңүл кезигип,
Көңүлдөн көңүл эзилип.
Какканы эки жүрөктүн,
Кайынга турчу сезилип.

Ак карды азыр жамынып,
Аяздан жүдөп кайыгып.
Жалдырап турат ак кайың,
Жаз менен жайды сагынып.

Көрүүлөр: 1372
Талкулоо Оңдоо / Тууралоо