Адамга (ыр)
Жайгаштыруу: , акыркы жаңыртуу:Жарнама тандалган купуялуулук жөндөөлөрүнө байланыштуу көрсөтүлбөйт.
| Адамга (ыр) | |
|---|---|
| Автор | Алыкул Осмонов |
| Дата | 16-февраль, 1945-жыл |
| Жери | Койсары |
Адамды адам меймандап,
Сыйлайт экенсиң,
Жакын жолдош-жорону
Жыйнайт экенсиң,
Жакшы тилек ак ишти
Кыйбайт экенсиң.
Ак дасторкон үстүндө
Чын ниет менен досуңду
Жегин муну, ичкин деп,
Кыйнайт экенсиң,
Ошентсең да өмүргө
Сыйбайт экенсиң.
Кара жердин түбүнө
Бириңди-бириң жашырып,
Ыйлайт экенсиң.
Бул ыр-саптарга дээрлик жарым кылымдан ашык убакыт болсо дагы, актуалдуулугун бүгүнкү күнгө чейин жоготпогондой. Мындан Осмоновдун абдан көсөм, алысты көрө билгендигин баамдаса болот.
