Мектеп жашындагы балдардын тамактануусу макаласын оңдоо, толуктоо, тактоо

Мектеп жашындагы балдардын тамактануусу мектепте окуган убакытын эске алуу менен уюштурулат. Эртең менен окуган баланын биринчи тамактануусу мектепке чейин саат 7-7.30 да, экинчи тамактанышы мектепте саат 11-12 де, түшкү тамагы мектептен келгенде саат 15-16 да, кечки тамагы саат 20 да болушу тийиш. Түштө окуган балдар эртең менен саат 8 де, түшкү тамагын мектепке чейин саат 12-13 тө, бетттим тамагын мектепте саат 16 да, кечки тамагын үйдө саат 19-20 да ичишет. Ошондо эртең мененки азыгы күнүмдүк тамак-аштын 25%, экинчи тамактануусунда 15-20%, түшкү азык 35-40%, бешимдеги жана кечки тамагы 20 пайызга жакын өлчөмдөрдү түзөт. Окуучулар мектепте 4-6 саатка чейин жүргөндүктөн ошол убакытта бир маал тамактанбаса алардын ахвалы, ден-соолугу начарлайт. Ошондуктан мектепте ысык тамак уюштурулбаса, балага ылайык тамак салып берүү керек. 6 жашар окуучулардын тамактануусуна мектептин жетекчилери, ата-энелер чоң көңүл бурушу зарыл, себеби алар бүкүлү тамактарды жакшы өздөштүрө албайт. Бул курактагы балдарга жакшы майдаланган ботко, пюре түрүндөгү тамак-аштар, сүт азыктары, жашылчалар берилет. Балдардын өспүрүм курагы организмдин тез өсүшү-өөрчүшү менен мүнөздөлөт, ошол себептен булардын тамактануусунун сапатына көз салуу керек. Алардын тамак-ашында толук баалуу белоктор, түрлүү витаминдер болсо алардын ден-соолугу чыңдалат.
 
Өспүрүм мезгилде балдардын жана кыздардын жыныстык жетилүүсү жүргөн соң, алардын организминин муктаждыгы айырмалана баштайт. 1-таблицада мектеп жашындагы балдарды тамактандыруучу азыктар жана алардын күнүмдүк өлчөмү грамм менен берилген.Балдардын күнүмдүк тамак-ашы, гр менен 
Тамак-ашЖашы7-1011-1314-17КыздарБалдарСүт500500500500Быштак40455050Каймак15151515Эт140175220220Балык40606070Кара нан75100100150Ак нан165200200250Кесме, макарон15151515Буурчак, фасолъ5101010Күрүч, гречка30353535Кант жана таттуулар7085100100Жуулган май25253030Өсүмдүк майы10151515Картөшкө200250275300Жашылчалар275300350350Жемиштер150-300150-300150-500150-500