Макал лакаптар жыйнагы (З) макаласын оңдоо, толуктоо, тактоо

З тамгасына кыргызча макал лакаптар жыйнагы — бул жыйнакта билим, ден-соолук, адамдар, мекен, жамандык-жакшылык, кыз-жигит, эрди-катын, эл башчылары, жаныбарлар, эмгек, акылдуулук, пайда-пайдасыз, тил, эне-ата, акыйкаттык жана башка көптөгөн турмуш-тиричиликке байланышкан кыргыз эл макал лакаптарын жыйнадык.

ul.nav {
margin: 0;
padding: 4px;
}
ul.nav li {
display: inline;
}

Макала мазмуну

А
Б
В
Г
Д
Ж
З
И
К
М
Н
О
Ө
П
С
Т
У
Ү
Х
Ч
Ш
Ы
Э

Достор З тамгасына болгон макал лакаптар анча көп эмес, ошондуктан силер дагы өз салымыңыздарды кошуп, пикир жазуу формасына З тамгасынан башталган макалдарды кошсоңуз болот.

Зайыпсыз ашың даамсыз, тузсуз да, узун колуң кыска, каруусуз.
Зайыптарсыз ак ордо караңгы да, ак шейшептүү калың жууркан суук.
Закүндүн алды — көт кыскан.
Залим менен жакын болсоң, башың жерге кирер.
Заман өзгөрсө, салт өзгөрөт (замандын түрүнө карап, салт да өзгөрөт).
Заманы бирдин амалы бир.
Заманы жакшы болсо, карысы жаш болот.
Заманына карай — күлкү, тонуна карай — түлкү.
Заманына карай амалы.
Заманына карай күлкү, тоосуна карай түлкү.
Заманың бөрү болсо, бөрү бол.
Заманың кандай болсо, бөркүңдү ошондой кий.
Заманың сокур болсо, көзүңдү кыс.
Зарыгып аккан булактан, сасык да болсо көл жакшы.
Зарылдын пулу күйөт.
Зер кадырын зергер билет, жез кадырын жезчи билет, күйүү кадырын сүйгөн билет.
Зергер билет зер сырын, дыйкан билет жер сырын.
Зор адамга жакшы адам, сөзү менен теңелет, бар адамга жок адам, күчү менен теңелет.
Зор иште жаның чыкса да даңкың калат.
Зорго да зор мокочо жолугат, зорго сыйынсаң, кудайга сыйын.
Зордукчуга мал жокпу.
Зордукчуга тендик жок.
Зордун түбү кор болот, байдын түбү ачка өлөт.
Зордун түбү кор болот, туздуу жерде шор болот.
Зулум эшиктен кирсе, ырыс түндүктөн чыгар.
Зыкым бай кедейден жарды.
Зыкым марттан качат, ичи тар коноктон качат.
Зээндүү бала сүйүнтөт, кежир бала күйүнтөт.
Зээндүү сүйүнтөт, кежир — күйүнтөт.