Жоокер ыры, сөзү Турар Кожомбердиевдики, обону Мукан Рыскулбековдуку.
Ата-журт жүгү мойнумда,
Албууттуу дайра боюнда,
Турганда чекти кайтарып,
Тууган жер кетпей оюмда.
Элестейт көзгө баарысы,
Жаштары менен карысы.
Тууган жер сенин тамчы суун,
Жүрөктүн ыйык дарысы.
Селкилер күтсө буралган,
Сезимге жалын куралган
Селт этип кыздар жылмайчу,
Секирип түшсөк дубалдан.
Саргарат жылдыз көктөгү,
Сагынат уулуң чектеги.
Тууган жер сенин аймагын,
Түшүмдөн, ойдон кетпеди.