Жигитке (ыр), сөзү, обону Ж Шералиевдики
Жүрөгүңдө сыр бардай
Жүзүң неге албырат,
Көп карасан жаш селки,
Көз отуңду талдырат,
Сүйсөң сүйүү чырагын,
Жүрөгүмө жандырат
Адаштырат кээ бирде
Сүйүү жолдон тандырат.
Көңүл бөлүп караба.
Коп анчалык кадала,
Көңүл отун козгоду
Көз карашың садага,
Сүйсөң тандап бирди сүй
Жылдар өтсүн арада.
Жүдөтпөсүн бул сөзүң
Жүрөгүмдү садага.
Кайраттансаң сүйүүнүн
Келечегин чектегин,
Каны таза жүрөктү
Канжар менен чекпегин.
Жабыры көп махабат,
Жеңил ойлоп чечпегин,
Жуудуруп көз жаш менен
Жүрөк сырын эзбегин.