Бурулчанын селкинчек,
Бурбай тепкин келинчек.
Жибек жоолук үлпүнчөк,
Жигит, кыздар чогулуп,
Тебе турган селкинчек.
Тээп өткүн, келинчек,
Кызыл жоолук үлпүнчөк,
Кыз-келиндер чогулуп,
Тебе турган селкинчек,
Тээп откун келинчек.
Сүйүмкандын селкинчек,
Сүйүтбектин келинчек,
Бири-бирине карашып,
Күйө тепкин келинчек.
Кызыл жоолук түрдөй жан,
Кыз-келиндер гүлдөй жан,
Жашыл жоолук дүрдөй жан,
Жаны чыккан гүлдөй жан.
Андай теппей мындай теп.
Селкинчегин селкилдейт,
Беш көкүл чачын желпилдейт.
Короодогу селкинчек,
Козголуп тептик эркиндеп,
Андай теппей мындай теп.