Барам сага (ыр), сөзү А. Чойбекова, обону К. Артыков
Мөлтүрөп бүлдүркөндөр бышкан кезде, Асманга бүркүт шаншып учкан кезде. Саамайларын сеңселткен ак кайындар Санашып сагынчымды уккан кезде барам сага.
Шоолалар кирпигинди өпкөн кезде, Нөшөрлөр электете төккөн кезде. Кубарып кусалыктан ак жүзүбүз, Көп күндөр арабыздан өткөн кезде барам сага.
Гүлдөргө аарылары конгон кезде, Бал чөбүн ой алманын соргон кезде, Алгачкы биз жолуккан кечтегидей, Алтын Ай асмандагы толгон кезде барам сага.