Жаныбарлардын түрлөрү макаласын оңдоо, толуктоо, тактоо

Жаныбарлар түрлөрү түрдүү формада жана көлөмдө болот. Бирөөлөрү жүндүү, башкалары каңылтырлуу келет. Бирөөлөрү көк кит сыяктуу абдан зор болсо, бирөөлөрү бүргө сыяктуу өтө кичинекей болот.

Негизги макала: Жаныбарлар

Окумуштуулардын пикири боюнча дүйнөдө 10 миллиондон ашуун ар түрдүү жаныбарлар бар. Жаныбарлар дүйнөсүн билүү жеңилирээк болсун үчүн окумуштуулар аларды төмөнкүдөй класстарга бөлүштүргөн:

Сүт эмүүчүлөр, канатуулар, рептилиялар, амфибиялар, балыктар, курт-кумурскалар, бактериялар ж. б.

Булар өз уручунда: омурткалуулар, омурткасыздар, жерде, сууда ошондой эле жерде-сууда жашоочулар, өсүмдүктөр менен азыктангандар, жырткычтар, бардыгы менен азыктануучулар, жумуртка жана тирүү туучулар болуп бөлүнөт.
 
А силер билесиңерби, жарганаттар, киттер да сүт эмүүчүлөргө кирээрин? Канаттуулар канаты бар, жумурткадан чыгуучу жаныбарлар. Бирок бардык эле канаттуулар уча бербейт. Төө куштар басат, ал эми пингвиндер канаттарын сүзүү үчүн пайдаланат. Сойлоочулардын көпчүлүгү кургакта жашайт. Алардын териси катуу, кургак каңылтыр менен капталган. Биз аларды муздак кандуулар дейбиз, анткени алардын денесиндеги температура ошол чөйрөнүн температурасына жараша болот.
 
Буга кескелдириктер, жыландар, крокодилдер жана ташбакалар кирет. Жерде-сууда жашоочулар сууда туулат, бирок чоңойгондон кийин кургакта да жашай берет. Алар сойлоочулар сыяктуу муздак кандууларга кирет. Бакалар, курбакалар жана тритондор — булардын бардыгы жерде-сууда жашоочулар. Балыктар сууда жашайт. Алардын денеси каңылтыр менен капталган жана сүзүүгө жардам берүүчү сүзгүч канаттары болот. Балыктар суу астында дем ала берет. Алардын суудан кычкылтекти бөлүп алуучу бакалоор деп аталган атайын органы болот.