«Орус тили» макаласын оңдоо, толуктоо, тактоо

Орус тили — орус элинин тили. Бул тилде башка улуттагы адамдар да сүйлөшөт, окушат жана жазышат.

КМШ өлкөлөрүндө көбүрөөк жайылган. Орус тилине тектеш бир канча тил бар алар: болгар, серб-хорват, чех, поляк тилдери. Булар биригип славян тилдеринин тобун түзүшөт. Бирок орус тилине эң жакын тектеш тилдер — украин жана белорус тилдери, алардын түпкү теги бир — байыркы орус тилинен тараган делет.

Ошондой эле, славян тобунан башка топтогу тилдердин ичинде да орус тилине тектеш тилдер бар. Алсак, балтика тобуна кирүүчү латыш жана литва тилдери орус тилинин жакынкы тектеш тилдерине кирет. Немец, швед, норвег сыяктуу герман тобунун тилдери менен да көптөгөн жалпылык жактары бар. Алыс болсо да чыгыш элдеринин — иран, инди сыяктуу кээ бир тилдер менен байланышат. Бул тилдердин бардыгы бир чоң топко, башкача айтканда эчактан бери аталып келе жаткан инди-европа тилдеринин тобуна кирет.

Орус тилинин өнүгүүсүнө А. С. Пушкин, М. Ю. Лермонтов, Н. В. Гоголь, И. С. Тургенев, Л. Н. Толстой, А. П. Чехов жана башка көркөм сөздүн улуу чеберлери чоң салымдарын кошкон. Учурда орус тили КМШ өлкөлөрүндө жана башка айрым өлкөлөрдүн эл аралык тилдеринин бири.

Кыргызстанда орус тили 1916-жылдан бери абдан сиңип, ал гана эмес менталитетибизге чейин кирип келген. Орус тилинин Кыргызстандагы абалы ырасмий тил деп саналат, мамлекеттик тил — Кыргыз тили.

Кыргызстандагы орус тили ырасмий тил болгонуна байланыштуу кыргыздар арасында орус тили менен кыргыз тилин аралаштырып сүйлөө абдан көп кездешет. Айрыкча «конечно», «хорошо», «брат», «что», «тоже», «например» жана башка ушул сыяктуу сөздөр абдан көп колдонулат.