«Мектеп» макаласын оңдоо, толуктоо, тактоо

Мектеп — балдар жана өспүрүмдөр түрдүү сабактар, дисциплиналар боюнча жалпы билим алуучу жай. Мектеп акыл-эсти өнүктүрүүгө, социалдашууга жана жашоодо өз алдынча тиричилик кылууга жардам берет.

Ошондой эле, адистештирилген мектептер дагы болот, мисалы, музыкалык, спорттук, тилдерди тереңдетип окуу мектептери.

Макала мазмуну

Тарыхынан
Түрлөрү
Мектепке алгачкы баруу
Дагы караңыз

Тарыхынан
Мектеп деген сөз араб тилинен алынган, окуу жайы деген түшүнүктү билдирет. Байыркы Грецияда бул сөз ойчулдардын өз шакирттери менен болгон аңгемесин түшүндүргөн.

Алгач гректердин «σχολή» сөзү «бош убак, эркин убакыт өткөрүү» дегенди түшүндүргөн, андан соң «бош убактагы сабак» деген түшүнүк колдонула баштаган. Мисалы, Платон бош убактысында адамдарды чогултуп аларга өзүнүн тажрыйбасын жана билимин берген. Андан кийин — «окуу сабактар», «философтордун баарлашуучу» (мисалы, Плутархта) деген түшүнүктөр колдонулган. Ошентип отуруп мектеп сөзүнө айланган.

Эң эски мектеп катары — Палестинанын Фесе шаарындагы Карауин мусулман университети саналат, ал биздин замандын 859-жылы калыптанган.

Мектептеги кийим-кечек формасы болсо Улуу Британияда пайда болгон.

Түрлөрү
Мектертер кийинкидей билимдерди алууга кызмат кылат:

башталгыч билим (башталгыч мектеп) (1-4-класс)
негизги жалпы билим (орто мектеп) (5-9-класс)
орто жалпы билим (орто мектеп) (10-11-класс, 12-класс)
адистик билим (адистик окуу жайлар, техникумдар)
атайын билим, анын ичинде жогорку (техникалык, экономикалык, юридикалык, диний ж. б.)

Мектепке алгачкы баруу
Албетте, мектепке барган биринчи күн адамдын эсинде түбөлүккө калса керек... Сентябрь айынын эртең мененки убагы. Күн нуру жаркырап тийип турат. Бардык класстын окуучулары мектептин жанында тизилишет. Жайнаган гүлдөр, балдардын күлкүсү угулуп, жүздөрү шаттыкка толгон. Мында классташ жолдоштор менен алгачкы ирет көрүшүп, мугалимдер менен таанышуу болот. Биринчи класстын окуучуларына директор, ата-энелер жылуу, мээримдүү сөздөрү менен кайрылышат. Андан соң окуучулар үчүн алгачкы коңгуроо кагылат.

Ал эми жазында окуучулардын дал ушундай чоң жыйналышында мектеп коңгуроосу кайтадан кагылат. Бул жолу он биринчи класстын бүтүрүүчү окуучуларына арналган акыркы коңгуроо. Окуучунун биринчи класстан он биринчи класска чейин басып өтүүчү жолу ушундай. Окуучу ушул он бир жылдын ичинде көп нерсени үйрөнөт. Ошондо эң башкы жетекчи жана акыл кошчу адам — мугалимибиз дайыма жаныбызда болот. Ал эми окуучунун башкы милдети — мектеп берүүчү билимге ийгиликтүү жана тырышчаактык менен ээ болуу.

Дагы караңыз

Мектеп жонундо ырлар
Акыркы коңгуроо ыр-саптары
1-сентябрь майрамы — билим күнү