Кыргыз тил гимни макаласын оңдоо, толуктоо, тактоо

Кыргыз тил гимни, ошондой эле Кыргыз Республикасынын мамлекеттик тил гимни — Кыргыз тилине арналган гимн. Бишкектеги Абдылас Малдыбаев атындагы опера жана балет театрында 2006-жылдын 10-февралында мамлекеттик кыргыз тилинин гимни презентацияланып, мамлекеттик тилге гимн арноо боюнча Кыргызстан, Малазия жана Турциядан кийин дүйнөдө үчүнчү өлкө болуп калат.

Кыргыз тили түрк тилдер тобуна таандык. Ал Кыргызстандын мамлекеттик тили. Тарыхы бай жана кыргыз элинин маданияты менен тыгыз байланышта.

Кыргыз тилинин гимни ogg форматында

СөзүСейит Алтымышов

ОбонуБакыт Алишеров

audio белгисин сиздин браузер иштете албайт экен.

Аудио файл Кыргыз улуттук дөөлөтү же кенчи саналып, эркин, лицензиясыз, баардыгына жеткиликтүү (Creative Commons, Free License)

Кыргыз республикасынын президенти алдындагы тил боюнча комиссия калк арасында тилдин деңгээлин жогорулатуу максатында тил гимнин түзүү боюнча сынак жүргүзүп (сынактын башталышы 2005-жылдын 6-октябрында), бир жылдай убакыт кеткен.

Сынакта 54 акын жана 31 композитор катышып, натыйжада музыканын автору Бакыт Алишеров, сөзүнүн автору Сейит Алтымышовдор жеңип чыгышат.

Тил гимни, мамлекеттик гимнден эч калышпайт деп көптөгөн серепчилер өз ойлорун билдиришип, кыргыз тилине тиешелүү өлкөдө өткөрүлүүчү бардык иш-чараларда кыргыз тилинин гимни жаңырып турушу керек деген ойлорун билдиришкен.

Тексти
Тил жаралып Көкө-Теңир таңынан,
Адамзаттын дөөлөтүнө буйруган.
Адам деген түп сөзүнөн элимдин,
Кыргыз тили ай-ааламга жаңырган.

Кайырма
Кыргыз тили - жүрөгүм,
Манас ата туу туткан.
Кыргыз тили - Мекеним,
Менин өлкөм Кыргызстан!

Мекен тили Ата журттун кареги,
Биримдиги, күч-кубаты тиреги.
Мекен тили куттуу кыргыз элимдин,
Көкүрөктө согуп турган жүрөгү.

Кайырма

Мекен тилин ыйык тутуп сактайлы,
Мекен тили бак-таалайдын кутманы.
Мекен тили кан жаныбыз, туубуз,
Ата журттун келечеги, ак таңы.

Кайырма

Дагы караңыз

Тил жөнүндө ырлар
23-сентябрь — Кыргыз тил күнү
21-февраль — Эл аралык эне тил күнү

Булактар

https://vk.com/wall-35945278_1340