Козукарын

Козу карын жонундо маалымат. Козукарын менен кошо көп учурда анын түбү - ичке узун жипчелери да жулунуп чыгат. Ушул ичке жипчелер анын өзөгү, негизги бөлүгү болуп саналат. Ал эми биз демейде козукарын деп атаган бөлүгү - ушул өсүмдүктүн мөмөсү гана. Мына дарактын түбүнө козукарын өсүп чыкты. Анын өсүп чыкканына бир гана күн болду. Ал эми дарак болсо көп жылдан бери турат. Козукарындын түбүнүн жашы да дарак менен тең, экөө чогуу өсүп келатышат.

Көп учурда козукарындын түбү дарак тамырынын учуна чырмалып алат. Бул экөөнө тең ыңгайлуу. Дарактын тамырлары бөлүп чыгарган кант - козукарындын даяр азыгы. Козукарын топурактагы пайдалуу бөлүктөргө ажыратып, алар менен даракты жабдыйт. Ар кайсы козукарын ар башка дарак менен достошот.

Кайың менен - кайынчылдар жана ак козу карындар, байтерек менен - байтерекчилдер, жержаңгак менен - түлкүдөйлөр. Биз токойдон терген козукарындарды гана козукарын десек жаңылабыз. Мисалы, нандагы көк дат козукарынга окшойбу? Окшобосо да бул козукарын. Ал - көзгө көрүнбөгөн өтө ичке жана узун жипчелердин жыйындысы.

Мындай козукарындардын ичинде башка өсүмдүктөргө жабышып, алардын эсебинен күн көргөн мителери, эң бекем устундарды чиритип, дарактарды кууратып, үйлөрдү бузган талкалагычтары да аз эмес. Козу карындардын пайдасы. Зыяны менен бирге адамга эң пайдалуу, керектүүлөрү да бар. Мисалы, ушундай козукарындардын биринен өтө маанилүү дары - пенициллин алынат. Ачыткылар да - көзгө көрүнбөгөн козукарындар. Өздөрү үчүн ыңгайсыз жагдайда алар өсүшүн токтотот. Бирок жылуу жана нымдуу жерге туш келери менен жанданып, өтө тез көбөйө баштайт, дем алып, көмүр кычкыл газын бөлүп чыгарат. Ачыткылардын бул касиетин адамдар нан жана башка азыктарды даярдоого колдонушат. Козу карын деген эмне деп кошумча суроолор жаралса, төмөнкү шилтемелерди да карап көрүңүз.

Кошумча шилтемелер:

Оставьте комментарий!

Пикириңиз текшерилгенден кийин жайгаштырылат.

Вы можете войти под своим логином или зарегистрироваться на сайте.

(обязательно)