Египет пирамидалары

Бул абдан зор таш курулмалар, падышалардын - фараондордун күмбөздөрү, Байыркы Египетте мындан 5 миң жылча мурун тургузулган. Фараондор чексиз бийликке ээ болгондуктан кудайга теңештирилген. Ошондуктан пирамидалар фараондор өлгөндөн кийин да алардын бийлигинин кудуреттүүлүгү жөнүндө эскертип турууга тийиш эле. Пирамидалардын эң зору Хеопс фараон дун буйругу боюнча курулган. Анын бийиктиги - 147 м. Байыркы грек тарыхчысы Геродоттун айтуусуна караганда бул пирамиданы 100 миң адам 20 жыл бою курган. Египеттин өтө ысык аба ырайынын шартында миңдеген кулдар таш куралдар менен (ал мезгилде темир менен колону али билишкен эмес) өтө зор таштарды сындырып алышып, аркан менен курулушка сүйрөп барышкан. Пирамида бийиктеген сайын ташты улам жогору көтөрүүгө туура келген.

Пирамиданын куруучуларынын көбү ачкачылыктан, адам чыдагыс оор жумуштан кырылган. Алп пирамидалар ар дайым көргөндү таң калтырат. Байыркылар аларды дүйнөнүн жети кереметинин бири катары эсептешкени бекеринен эмес. Фараондор эмес, таланттуу архитекторлор менен ташчы усталар курган бул пирамидалар кылымдарды карытып, аларды кургандардын эстелигине айланды.

Комментариев: 1 RSS

1 Ариет 19-09-2017 20:39

Ото чоон рахмат абдан жардам берди

Оставьте комментарий!

Пикириңиз текшерилгенден кийин жайгаштырылат.

Вы можете войти под своим логином или зарегистрироваться на сайте.

(обязательно)