Кытан макаласын оңдоо, толуктоо, тактоо

"Кытан" - бул зор канаттуу. Узундугу бир метрден ашык, ал эми кош канаты жайылганда эки метрге жетет. Ушундай куштун салмагынын болгону 2кг экендигине ишенүү да кыйын. Кептин баары анын тал канаттарында. Көк кытандын канаты өтө көпшөк келип, көйкөлүп турат, айрым түрлөрүнүкү, өзгөчө, ак кытандыкы өтө кооз болот. Мына ушул канаттары үчүн жыл сайын жүз миңдеген ак "кытан" жок кылынган. Ошондуктан алар өтө сейрек кездешет. Көк кытан ак кытандан чоңураак, бирок андай кооз эмес. Аларды көл, саздардан көп эле көрүүгө болот.
 
Кытан мойнун кайрып жээкте кыймылсыз турат же узун, ичке буттары менен дабышсыз кадам шилтеп, ары-бери акырын басып жүрөт. Жемин саздан же суудан таап жечү бардык куштардын, мисалы, каркыра, кунас, фламингонун буттары да ушундай. Мына, көк кытан балыкты же баканы көрдү да, көз ачып-жумгуча өзүнүн найзадай учтуу тумшугу менен чап кармады. Ушул күчтүү найза-тумшугу - кытандын өзүн жана уясын коргоочу куралы. "Кытан" уясын адатта бийик дарактын башына салат. Уя чоң: бийиктиги 150см, туурасы 60 смге жетет. Аны куурайдан же камыштан жасайт, уяга 3-7 жашыл жумуртка тууп, бутун күлкү келерликтей салаңдатып басып жатат. "Кытан" кургак жерде чычкандарды жана курт-кумурскаларды жейт.
 
Топтошуп, колония болуп уя салышат, колониялары айрым учурларда өтө чоң болот. Колонияда кээде кытандардын бир гана түрү жашаса, кээде ар кайсы түрлөрү аралашып жашашат. "Кашык тумшуктуу кытан" жөнүндө дагы билип алсаңыз болот