Жумабаев Ташмамат


Жумабаев Ташмамат — Улуу Ата Мекендик согуштун катышуучусу.

1924-жылы Кыргыз ССРинин Ош районундагы Таштак айылында туулган. Улуту — өзбек. КПССтин мүчөсү. Комбанерлордун курсун бүтүрүп, Мады МТСинде иштеген. 1942-жылы октябрда он сегиз жаш курагында майданга кеткен. Сержант. Аткычтар отделениесинин командири.

1943-жылдын майынан тартып Борбордук жана Белорус фронтторунун составында Улуу Ата Мекендик согушка катышкан. Эки жолу жарадар болуп, айыккандан кийин кайра катарга келген.

Днепрдан ийгиликтүү өтүп, плацдармга бекем орношуп алып, анда көрсөткөн эрдиги үчүн Советтер Союзунун Баатыры деген наамга 1943-жылы 30-октябрда татыктуу болгон.
Согуштан кийин Ташмамат Жумабаев офицер болуп, Советтик Армияда кызмат кылуусун уланткан. Памир автотрестинде иштеген.

Иманкулов А., Алыкулов Б., Турсунбеков Ч. "Алардын эрдиги түбөлүккө жашайт" — Фрунзе, 1986.

2016-08-11 82 Башкалар Жыргалбекова С. 2016-08-11