Жаңы гебрид аралдары


Жаңы гебрид аралдары – жанар тоонун атылышынан пайда болгон архипелаг. Тынч океандын түштүк-батыш бөлүгүндө. Вануатуга карайт. Аянты 14,8 миң чарчы/чакырым, бийиктиги 1860 мге чейин. 60ка жакын жанартоо бар, анын 10у аракетте. Климаты тропиктик, нымдуу. Абанын айлык орточо температурасы 20–27ᵒС. Жылдык жаан-чачыны 1000 мм. Түндүгүндөгү аралдарын тропик токою, түштүгүндөгүлөрүн саванна ээлейт. Калкы 200 миңдей (2008). Бал камыш, кофе, какао, пахта өстүрүлөт. Эфат аралында Вануатунун административдик борбору жана порту – Вила шаары жайгашкан. Жаңы гебрид аралдарын 1606-ж. португалиялык деңиз саякатчы П. Кирос ачкан, 18-кылымдын 70-жылдарында Ж. Кук изилдеп, атын койгон.

2016-08-11 49 Башкалар Жыргалбекова С. 2016-08-11