Запашныйлар


Запашныйлар - орус цирк артисттеринин үй-бүлөсү. Михаил Сергеевич Запашный (24.6.1900, Ейск -9.9.1982, Ленинград), аялы Лидия Карловна Запашная (1.1.1905-8.8.1960, Москва), балдары Сергей Михайлович Запашный (13.2.1926, Ленинград -21.10.1980, Владивосток), Вальтер Михайлович Запашный (2.4.1928, Эдгард жана Аскольд Запашныйлар үйрөтүлгөн жолборсу менен. Ленинград -27.8.2007, Москва), РСФСР эл артисти, (1988), Анна Михайловна Запашная (8.8.1931-ж. туулган, Ленинград), Мстислав (Мечислав) Михайлович Запашный (16.5.1938ж. туулган, Ленинград), СССР эл артисти (1990), Сергей Михайлович Запашныйдын балдары Валерий Сергеевич Запашный (10.1.1951-ж. т.), Нонна Сергеевна Запашная (1.1.1947-ж. т.), Вальтер Михайлович Запашныйдын аялы Татьяна Васильевна Запашная (2.9.1956, Калинин), балдары Эдгард Запашный (11.7.1976-ж. туулган, Ялта) РФтин эмгек сиңирген артисти (1999), Аскольд Запашный (27.9.1977-ж. туулган, Харьков) РФтин эмгек сиңирген артисти, (1999), «Ат үстүндөгү жонглёрлор» (1990), «Маймыл үйрөтүүчүлөр» (1993), «Жырткычтар арасында» (жолборс, арстан, илбирс, сүлөөсүн, 1997) номерлери менен чыгышкан. Мстислав Михайлович Запашныйдын 1-аялы Долорес Павловна Запашная (24.3.1941ж. туулган, Благовещенск) 1990-ж. чейин М. М. Запашныйдын аялы жана өнөгү. 1990-жылдан өзүнчө «Иллюзиялык миниатюралар» номери менен чыккан. Балдары Элен (1.5.1963-ж. т.), РФтин эмгек сиңирген артисти (1994), Мстислав кичүүсү (15.6.1967-ж. т.), РФтин эл артисти (2003), 1992-ж. «Пил жана жолборстор» аттракционунда атасынын ордуна чыккан, 2001-ж. «21-кылымдын салтанаты» аттракционун койгон. Запашныйлардын үй-бүлөсүнүн бардык мүчөлөрү дрессировщик, жонглёр жана ат оюнчулары. Бала кездеринен эле циркте акробатика жана гимнастика жанрында иштешкен. Ат, жолборс, илбирс, сүлөөсүн, арстан, пилдерди үйрөтүшкөн. Запашныйлардын белгилүү номери «Акробат-вольтижёрлор бир тууган Запашныйлар». Аткаруучулары Москвада өткөн Жаштардын жана студенттердин бүткүл союздук 6-фестивалынын лауреаттары (1957). Анна Михайловна жана Мстислав Михайлович З. 1959-жылдан «Аба гимнасттары» номеринде үйрөтүлгөн аттардын үстүндө абада гимнастика көнүгүүлөрүн көрсөтүшкөн. Запашныйлар «Акробат-вольтижёрлор ат үстүндө» номери менен (Анна, Валерий, Мстислав, Нонна, Сергей Запашныйлар) ат циркине салым кошкон. 1976-жылдан Мстислав Запашный пил үйрөтүүчү катары чыккан. Вальтер Михайлович Запашный акробат, гимнаст жана штангист. 1958-жылдан айбандарды үйрөтүүчү, Цирк өнөрүнүн жаңы чыгармаларынын Бүткүл союздук кароосунун лауреаты (1964). Запашныйлар Россиянын көптөгөн шаарларында, ошондой эле Кытай, Болгария, Германия, Швеция, Япония жана башка мамлекеттерде гастролдо болушкан.

2016-08-11 85 Башкалар Жыргалбекова С. 2016-08-11