Вальдхайм Курт


Вальдхайм Курт (21. 12. 1918-жылы туулган, Төмөнкү Австрия, Санкт-Андре-Вёрдерн) австриялык мамлекеттик ишмер, дипломат. Укук илимдеринин доктору. 1937-38-жылы Вена консулдук академиясында окуган. 1939-жылы Вена Университетинин юридика факультетине тапшырып (1944-жылы бүтүргөн), ошол эле жылы аскердик кызматка (вермахтка) чакырылган (1939-45). 1945-жылдан дипломатиялык кызматта. 1948-51-жылы Париждеги австриялык элчиликте секретарь, 195155-жылы ТИМдин кадрлар башкармалыгынын башчысы, 1955-жылы БУУда байкоочу,1956-58-жылы БУУнун посланниги, 1958-60-жылы Австриянын Канададагы элчиси, 1960-64-жылы ТИМдин саясий департаментинин башкы директору, 1968-70-жылы тышкы иштер министри, 1964-68-жылы жана 1970-71-жылы Австриянын БУУдагы туруктуу өкүлү. 1972-81-жылы БУУнун Генералдык секретары, 1982-жылдан БУУнун өнүгүп келе жаткан өлкөлөр боюнча атайын өкүлү. 1986-92-жылы Австриянын федералдык президенти. Эмгеги: Австрийский путь. М., 1976.

2016-08-10 44 Башкалар Жыргалбекова С. 2016-08-10