Жамандык

Жамандык – салттуу турмушта зээнди кейитчү, кайгы, капа алып келүүчү турмуштук кырдаал. Ага өлүм, кырсык, жут ж. б. кирген. Жамандык башка келсе тууган-урук тикесинен туруп, чогуу көтөрүшкөн, кайгыны тең бөлүшкөн. үй-жайы өрттөнүп, малы жуттан кырылып калган учурда жакын туугандары жана урукташтары оокат-жайын курап, ортого мал чыгарышкан. Жамандыкка учураган үй-бүлөнүн көңүлүн көтөрүшкөн, кайрат айтышкан. Башка жамандык келбесин деп түлөө, баабедин өткөрүшкөн, жети нан жасап кошуналарына тараткан. Жамандык үстөккө-босток келсе, аларды келтирбөөчү көптөгөн ырымдарды аткарышкан. Жамандыкта адамдардын асыл сапаттары: адамгерчилиги, боорукерчилиги ж. б. даана байкалган.

Кыргыз Тарыхы. Энциклопедия. Мамалекеттик тил жана энциклопедия борбору. Бишкек, 2003. И. Арабаев атындагы Кыргыз мамлекеттик педагогикалык университети.

Оставьте комментарий!

Пикириңиз текшерилгенден кийин жайгаштырылат.

Вы можете войти под своим логином или зарегистрироваться на сайте.

(обязательно)