Ютуб

Сен YouTube жөнүндө эмнени билесиң? кызыктуу фактылар, анын жаралуусу, жаңы функциялары баары ушул жерде. "Ютуб" жөнүндө толук маалыматты билип ал.

YouTube (you - сен, tube - кутуча же сыналгы, толук мааниси - сенин сыналгың деген маанидей), кыргызча жазылышы жана окулушу ютуб - дүйнөдөгү эң популярдуу жана ири видеохостинг. Ал жерде колдонуучулар видеороликтерин сактап, кошуп, көрүп, пикирлерин жазышат жана башка колдонуучулар менен бөлүшөт. Ютуб өзүнө профессионалдык, адабий, документалдуу фильмдерди, клиптерди, мультфильмдерди, видеоблогдорду камтыйт.

"Ютуб" жөнүндө кызыктуу фактылар:

-YouTube дээрлик толугу менен Python программалоо тилинде жазылган.

-Видеохостинг автоматтык түрдө 51 тилди айырмалай билет, жана видеолорго кол тамгаларды жаза билет.

-Ютуб жер шарынын 79 өлкөсүндө жеткиликтүү

-Ютубда жыланча оюнун ойносо болот. Мурда ойноо үчүн видеону паузага коюп, бийиктик(өйдө-ылдый), жазылык(оңго-солго) клавишаларын бир нече жолу катары менен басуу зарыл эле (↓+→, ↑+← и т. д.). Азыр болсо бир жолу ↑→↓(өйдө, оңго, ылдый) клавишаларды басуу жетиштүү, а эми видеону паузага коюуунун кажети жок.

-Башында ютуб таанышуу сайты катары ойлонулган эле: сүрөттөргө караганда видеороликтер таанышууга жакшыраак болот (түзүүчүлөрдүн ою боюнча) деген ой болчу. Кийинчирээк ютубдун түзүүчүлөрү сайт бир типтүү видеороликтерди (таанышуу же сатуу видеолору) камтыбашы керек, башка жаатта дагы өнүгүшү керек деген чечимге келишкен.

-Ютубдун баштапкы версиясы Tune In Hook Up деп аталган.

-Ютубдагы биринчи видеоролик (Jawed Karim) Джавед Карим аттуу адамдын Сан-Диего шаарындагы зоопарктагы видеосу болгон, аталышы - Me at the zoo. Бул видеого биринчи пикирди COBALTGRUV колдонуучусу Interesting... деп жазган.

-2005-жылы YouTube шаймандары жана кеңсеси Чад Хёрли аттуу адамдын гаражында болчу. 2006-жылы компания Сан-Матеодо (Калифорнияда) жайгашкан пиццериядагы бөлмөгө көчүшкөн.

-Видеохостингдин тарыхындагы эң кызыктай факт. Түзүлгөндөн баштап "ютуб" тез өнүгө баштаган. Колдонуучулар ал жөнүндө досторуна айтып, алар сайттын аталышын угуусу боюнча utube.com деп тере баштаган, бул аталышты Universal Tube & Rollform Equipment компаниясы ээлеп турган. Бир жагынан бул компания акысыз жарнамага ээ болуп, бирок сайтка кошулууну каалаган колдонуучулардын абдан көп болгонуна байланыштуу ал сайт көп учурда иштебей калчу. Натыйжада Universal Tube & Rollform Equipment компаниясы YouTube компаниясын сотко берет, бирок кылмыштын курамы жок болуп чыгат. Кийинчирээк ал компания сайтынын аталышын utubeonline.com деп которуп, utube.com сайты видеокызмат сайты болуп калат.

-Биринчи миллион көрүүнү позолота аттуу видеоролик 2005-жылдын сентябрь айында чогулткан, анда Бразилия футболисти Рональдиньо Nike брендин жарнамалап жаткан эле.

-YouTube активдүү колдоно баштаган биринчи дүйнөлүк лидер Тони Блэр (2007-жылы) болгон.

-2010-жылы Ютубдагы бардык видеороликтерди көрүп чыгуу чүчүн 1700 жыл талап кылынаары эсептелинип чыккан.

-2011-жылдын 14-декабрында Ютубда эң узун видео пайда болгон, анын узундугу (созулушу) 596 саат 31 мүнөт жана 21 секунда. Бул видеону MoldytoasterMedia аттуу колдонуучу жүктөгөн.

-2012-жылдын 21-декабрында интернеттин тарыхында жана Ютубда бир видеоклиптин көрүүлөрү 1 миллиарддан ашкан. Бул видео түштүк кореялык ырчы PSYдын Gangnam Style атуу клиби болчу. 2014-жылдын 31-майында Gangnam Style клибинин көрүүлөрү 2 миллиарддан ашкан.

Жаралуу тарыхы

Ютуб 2005-жылы, PayPal компаниясынын мурунку үч кызматкери Чад Хёрли (Chad Hurley), Стив Чен (Steve Chen) жана Джавед Карим (Jawed Karim) тарабынан түзүлгөн. Usa today газетасынын маалыматы боюнча идеянын автору Джавед Карим эле. Анын айтуусу боюнча видеохостинг жасоо идеясы Джанет Джексондун, Джастин Тимберлейтин жана 2004-жылдын 26-декабрында болуп өткөн Индия океанындагы цуннаминин видеосун таба албай кыйналганда пайда болгон. Time журналынын басылмасына ылайык, проектинин биргелешкен идеясы 2005-жылдын январ айында чыккан, анда Стив Чен менен Чад Хёрли ашынадан тартылып алынган видеону досторуна жөнөтүүнүн аракетинде эле. Электрондук почта аркылуу жөнөтүү үчүн файл абдан чоң болуп, анын интернетке жайгаштыруу дагы болбой калган. Колдонуучулар видеолорун жайгаштырып, каалагандар көрүү мүмкүндүгү бар онлайн кызматын түзүү идеясы ошондо пайда болгон. Андан соң проекттин YouTube аталышы жаралат, анын негизинде сыналгынын жаргондук аталышы болчу (англисчеден boob tube - сыналгы же кутуча). Программалоо жана верстка менен Стив Чен и Джавед Карим иштеген. Натыйжада ролдор төмөнкүдөй бөлүштүрүлдү: Чад идея генератору болуп, ал эми аны техникалык жактан жана ишке ашырууну достору-кесиптештери аткарган. Проектинин авторлору 10 мүнөттөн ашпаган видеороликтердин жүктөөсүн жөнөкөйлөткөн Flash Video (FLV) технологиясын колдонгон.

Ар кандай жаңылануулары:

-2005-жылдын 14-февралында ютубдун түзүүчүлөрү домендик аталышты (youtube.com) каттап, официалдуу түрдө ошол эле жылдын ноябрь-декабрь айларында иштей баштаган.

-2006-жылдын июль айында сайтка 65000 видеролик жүктөлгөн, ал эми жалпы көрүүлөрдүн саны күнүнө 100 миллионго чейин жеткен.

-2006-жылдын күз мезгилинде ютубду Google компаниясы 1,65 миллиард долларга сатып алган. "Ютуб" сатып алганга чейин ага окшош Google Video кызматына ээлик кылышкан. Азыр ал кызмат бардык видеохостингдер арасында видео издөө катары колдонулат, анын ичинде ютуб дагы бар. Ютуб Google тарабынан сатып алынгандан кийин Хёрли хостингдин генералдык директору кызматында калган(компанияда иштеп калган негиздөөчүлөрдүн жападан жалгызы). 2010-жылдын 28-октябрында Чад Хёрли жумуштан өз каалоосу менен чыгып кеткен.

-Ютубдун орусча түрү 2007-жылдын 14-ноябрында пайда болгон. Орус тилдуу видео порталдын биринчи видеосу катары Петр Наличтин гитар аттуу жеке ыры болгон.

-2011-жылдын декабрь айында YouTube графикалык интерфейсин Cosmic Panda дегенге которгон, анда жаңы гаммадагы түстөр пайда болгон. Видеолор ак фондо эмес, кара фонда көрсөтүлө баштаган. Логотиптеги кызыл түс караңгыраак түскө алмаштырылган. Видеоканалдар социалдык тармактардын жаңылыктар лентасындай башкы барактын ортосунда көрсөтүлө баштаган.

-2012-жылдын январ айында 2011-жылдын май айы менен салыштырмалуу күнүмдүк көрүүлөрдүн саны 25% өсүп, 4 миллиардга жеткен. Буга себеп болуп уюлдук телефондордон, планшеттерден жана сыналгылардан көрүүлөр болгон.

-2013-жылдын февраль айында каналдардын дизайны жаңыланды.

-2013-жылдын апрель айында видеохостиндин жалпы аудиториясынын 2% (51 млн адам) орусиялыктар түзгөн.

-2014-жылдын 27-июнунда Ютуб бийигирээк жыштыктагы (секундасына 48 жана 60 кадр)видеолорду колдоп баштаарын айткан, муну менен видео кыймылдарынын жана атайын эффектилердин сапаты жакшырат. Жаңылануу күчүнө кирип мурда кадр жыштыгы секундасына 24 кадр болсо, азыр бул көрсөткүч секундасына 60 кадрга жетти. Бул видехостингге оюндарды жана трейлерлерди жүктөгөн компанияларга абдан маанилүү эле.

-2015-жылдын 27-январында роликтерди ойнотуучу биринчи HTML5-плеерине мурунку Flash-плеер алмаштырылды.

-Анын артынан дагы бир жаңылануу пайда болду - бир нече ракурстан көрүү мүмкүндүгү (айтылуу 3D видеолор).

-2015-жылдын 23-февралында Google компаниясы YouTube Kids аттуу балдар каналын ишке киргизет.

2015-жылдын 16-мартында Ютубдагы аннотацияларды алмаштыруучу 6 түрдөгү шыбырап коюуу (подсказка) функциясы пайда болот. Ал функция видео жаңылыктары, товарлар, кызматтар жана башкалар менен бөлүшүүгө жардам берет. Ал функция видео көрүүгө точкоолдук жаратпайт жана уюлдук телефондордо дагы көрүнүп турат.

-2015-жылдын июль айында Android түзүлүштөрүнө болгон YouTube тиркемеси 10.28 версиясына чейин жаңылашты. Бул жааттагы негизги өзгөрүш бул - вертикалдуу жазылган видеолор толук экрандуу режимде автоматтык түрдө 90 градуска бурулат дагы, мурдагыдай экрандын үчтөн бир бөлүгүн ээлебей, толук экранды каптайт.

Мына ушундай "ютуб" жөнүндөгү макалабыз силерге пайдалуу маалымат алып келди деген ойдобуз. Бул баракчага кез-кез кайра келип тургула, кошумча маалыматтарды, ютуб боюнча өзгөрүүлөрдү жазып турабыз.

Youtube.com

Оставьте комментарий!

Пикириңиз текшерилгенден кийин жайгаштырылат.

Вы можете войти под своим логином или зарегистрироваться на сайте.

(обязательно)