Бул жерде Сиздин жарнама болушу мүмкүн! 0(707)48-14-46 whatsapp

Шаршембаев Жылкычы

(1944-жылыт., Ысык-Көл району, Кара-Дөбө айылы) - зергер, жыгаччы, өрүмчү. Бишкектеги сүрөтчүлөр окуу жайын бүткөн (1973) «Кыял» көркөм кол өнөрчүлүк бирикмесинде, № 19 элдик көркөм кол өнөрчүлүк кесиптик-техникалык окуу жайында чебер-мугалим. Республиканын көркөм фондусунда кырмачы. 1992-жылдан «Тулпар» чакан ишканасын ачып, кол өнөрчүлүк боюнча буюм чыгарууда.

Ээр чабат, таш чегет, бедиз жасайт, жыгаччылыкка узанат, ат жабдыктарынын бөлүктүрүн өрүп да, кайып да кармайт, булгаарыга оюм-чийим түшүрөт. Айрыкча ээр чабуусунун, күмүшкө көп түстүү «сыя төгүүсүнүн» өзүнө гана таандык өзгөчөлүктөрү бар. Анын автордук наамдагы аваздык аспабы - кыл кыяк, «Кошой», «Чубак» шахматтары, «Сынпоос ээри», «Түркмөн ээри», «Комуз», «Чабан ээри» сыяктуу буюмдары, белек-бечкектери өнөрканалардан көп нускаланган. Бүткүл Союздук, республикалык көргөзмөлөргө, кароо-сынактарга катышкан. Айрым буюмдары музейге экспонатталган.

Оставьте комментарий!

Пикириңиз текшерилгенден кийин жайгаштырылат.

Вы можете войти под своим логином или зарегистрироваться на сайте.

(обязательно)