Сайттан маалымат издөө үчүн "издөө" формасына издеген сөздү жазып издеңиз. Мисалы: "Айтматов" - деп жазып. *** Эгер маалымат аз болсо, дагы издөө жүргүзүңүз, көбүрөөк маалыматты камтыган макалалар бар. *** Издөө жүргүзүп жатканда бир нече фраза жазбай, бир эле сөз жазсаңыз тезирээк табасыз. мисалы: "Шарипов" - деп.

Париж тынчтык келишимдери

Париж тынчтык келишимдери (1763, 1814, 1815). 1763-жылдагы келишим бир жактан Улуу Британия менен Португалия, экинчи жактан Франция менен Испаниянын ортосунда түзүлүп, Жети жылдык согуштун (1756–63) жыйынтыгын чыгарган. Ал боюнча мурда Францияга таандык Канада, Чыгыш Луизиана, испаниялык Менорка аралы жана Вест-Индиядагы бир топ арал Англияга өткөн, Испания Улуу Британияга Флориданы берип, ал үчүн Франциядан Батыш Луизиананы алган. Бул келишим Англиянын колониялык жана дениздеги күчкубатын чындаган. 1814-жылдагы келишим Францияга каршы 6-коалициянын катышуучулары (Россия, Англия, Австрия, Пруссия) менен Франциянын ортосунда түзүлүп, ага Швеция, Испания, Португалия кошулган. Ал Голландия, Щвейцария, немец княздыктары жана Италия мамлекетинин көз карандысыздыгын калыбына келтирип, Наполеон согуштарынын убагында ажыраган колониялык жерлеринин көп бөлүгү Францияга кайтарылган. 1815-жылдагы келишим Францияга каршы 7-коалициянын катышуучулары (Россия, Улуу Британия, Австрия, Пруссия) менен Франция ортосунда түзүлгөн. Ал мурдагы келишимден айырмаланып, Франциянын 1790-жылдагы чек арасын сактоону белгилеп, Францияны 700 млн франк контрибуция төлөөгө милдеттендирген. Мында Франция аймагын шериктештердин 150 миң кишиден турган армиясы 3–5 жыл оккупациялоого тийиш болгон.

Оставьте комментарий!

Пикириңиз текшерилгенден кийин жайгаштырылат.

Вы можете войти под своим логином или зарегистрироваться на сайте.

(обязательно)