Үч-Таш

Үч-Таш, Керген-Таш — Ысык-Көл облусунун Тоң районундагы Бөкөнбаев кыштагынан (райондун борбору) 28 км чыгыш тарапта. Тастар-Ата тоосунун түндүк этегиндеги Ү.-Т. деген жерде. Ал жердеги таштардын өз ара жайгашышы жылкынын чидерин кергендеги элести эске салат.

Алардын тушташ жайгашкан эки ташы бири-биринен 11 м, ал эми үчүнчү таш экөөнөн 31 м аралыкта. Элдик уламыш боюнча бул Ү.-Т-ка Манас Аккуланын чидерин кердирткен экен. Бул таштардан ары жакта 20 м аралыкта дагы бир таш төртүнчүсү жатат. Ага Аккуланын чылбырын байлаган деп айтышат.

Үч-Таш — "Манас" эпосундагы топоним. Ала-Тоонун күн жүрүш жагына Манас баатыр кырк чоросу менен ууга чыккан жер (Сагымбай Орозбаков, 2. 288).

Оставьте комментарий!

Пикириңиз текшерилгенден кийин жайгаштырылат.

Вы можете войти под своим логином или зарегистрироваться на сайте.

(обязательно)