Бул жерде Сиздин жарнама болушу мүмкүн! 0(707)48-14-46 whatsapp

Москалев Михаил Иванович

Михаил Иванович Москалев (айтылышы - Москалёв) (13.01.1942 - 28.06.2013) – кыргызстандык таанымал археолог, Кыргыз Улуттук Университетинин Тарых жана чөлкөм таануу факультетинин Археология жана этнография кафедрасынын доценти. Түпкү теги - беларус.

Михаил Иванович Москалев (Москалёв) 1942-жылы 13-январда мурдагы СССРдин батышында Беларусь ССРинин Гомель облусунун Светилович районунун Светилович айылында туулган.

1961 – 1964 - жж. Советтик Армияда кызмат өтөгөн.

1864 - жылы Кыргыз Мамлекеттик Университетинин тарых факультетине окууга тапшырып, 1968 - жылы аны аяктаган.

1968 - 1970-жж. Төмөнкү Чүй мектеп–интернатында тарых мугалими болуп иштеген.

1971-жылы январда Кыргыз Республикасынын Тарыхый жана маданий эстеликтерин коргоо коомунун окумуштуу катчысы болуп бекитилген.

1978–жылдан өзү каза болгон 2013-жылдын 28-июнуна чейин Кыргыз Улуттук Университетинин - Тарых жана чөлкөм таануу факультетинин археология жана этнография кафедрасында иштеди.

Кыргыз ИАсынын Тарых институтунун, Кыргызстан жаш тарыхчылар жамаатынын, немис–кыргыз, кыргыз–түрк археологиялык экспедицияларынын катышуучусу катары таанымал.

1977–жылдан өлгөнгү чейин Жусуп Баласагын атындагы Кыргыз Улуттук Университетинин археологиялык экспедицияларын жана практикаларын өткөрүп келди.

Анын ишмердигинин аркасында илимге буга чейин белгисиз 300гө жакын жаңы археологиялык эстеликтер киргизилген.

Өмүрлүк жары – Москалева Лариса Юрьевна.

Эки уулу бар.

Михаил Москалев 2012-жылдын 11-февралында "Кыргыз Тарых Коому" Эл аралык коомдук бирикмесинин Башкармалыгына мүчө болуп шайланган.

Михаил Москалев Кыргызстандагы ондогон археолог окумуштууларга устат катары насаат берген.

Москалёв Михаил Иванович 4 монографиянын, 180ден ашуун илимий макалалардын автору.

Оставьте комментарий!

Пикириңиз текшерилгенден кийин жайгаштырылат.

Вы можете войти под своим логином или зарегистрироваться на сайте.

(обязательно)