Бул жерде Сиздин жарнама болушу мүмкүн! 0(707)48-14-46 whatsapp

Менин сидим жөнүндө ыр

«Менин сидим жөнүндө ыр» («Elcantur de Mio Cid») – испан элинин баатырдык дастаны. Элдик ырчылар (хуглар) тарабынан 1140-жылдар чамасында жаралып, 13-кылымдын башында жазылып алынган. Дастандын баш каарманы – тарыхый адам, рыцарь Руи (Родриго) Диас де Бивар (1040–99). Ал араб эзүүсүнө каршы испан элинин патриоттук күрөшүнө катышкан элдик баатырлардан болгон, ошон үчүн эл аны Сид (арабча «сеид» – төрө) деп атаган. Сиддин идеалдуу образына баскынчыларга жана феодал төбөлдөрүнө каршы күрөшкөн баатыр мүнөзү, элдин духу сиңирилген. Бул жаркын образ кийинчерээк европалык айрым жазуучулардын (П. Корнель, И. Гердер) реалисттик чыгармаларында кайра жаралган. Дастанда Батыш Европанын кээ бир эпикалык чыгармаларындагыдай христиандык мистицизм менен учкул фантастика жок.

Оставьте комментарий!

Пикириңиз текшерилгенден кийин жайгаштырылат.

Вы можете войти под своим логином или зарегистрироваться на сайте.

(обязательно)