Менандр Протектор

Менандр Протектор – 6-кылымдагы белгилүү византиялык тарыхчы, грек тилинде жазылган «Тарых» чыгармасынын автору. Бизге бул чыгарманын 558–582-жылдардагы тарыхый окуяларды камтыган бөлүгү гана жеткен. Мында түрктөргө келген жети византия элчилиги жана 568–569-жылы түрк каганы Истеминин Византия императору Юстин IIге жасаган элчилиги жөнүндө маанилүү маалыматтар берилет. Ошондой эле императордун Истеминин уулу Түрксантхка 576-жылдагы Византия элчилиги жөнүндө билдирген. Менандрдын эмгегинде берилген тарыхый маалыматтар 6-кылымга тиешелүү Теңир-Тоо аймагындагы Түрк кагандыгынын ичиндеги этносаясий кырдаалды окуп үйрөнүүдө чоң мааниге ээ. Түрк-Византия мамилелерин баяндоо менен Менандр түрктөрдүн эфталиттер жана ирандыктар менен болгон байланышы, алардын үрп-адаттары жөнүндө баалуу маалыматтарды берген.

"Кыргыз Тарыхы. Энциклопедия" Бишкек 2003.

"Мамлекеттик тил жана энциклопедия борбору"

"И. Арабаев атындагы Кыргыз мамлекеттик Педагогикалык университети"

"Башкы ред. ү. А. Асанов, жооптуу ред. А. А. Асанков".

"Ред кеңеш: Ө. Ж. Осмонов (төрага) Т. Н Өмүрбеков"















Оставьте комментарий!

Пикириңиз текшерилгенден кийин жайгаштырылат.

Вы можете войти под своим логином или зарегистрироваться на сайте.

(обязательно)