Бул жерде Сиздин жарнама болушу мүмкүн! 0(707)48-14-46 whatsapp

Лхаса шаары

Лхаса шаары – Кытайдын түштүк-батышындагы шаар. Азиядагы ламаизм дининин башкы диний борбору. Тибет автономия районунун административдик борбору. Тибет тайпак тоосунун этегинде, Жичу дарыясынын (Брахмапутра дарыясынын алабы) өрөөнүндө, деңиз деңгээлинен 3650 м бийиктикте жайгашкан. Калкы 124,8 миң (2010). Жолдор тоому. Металл иштетип, курал жасоочу өнөрканалары, тактай тилүүчү, тери иштетүүчү ишканалары, дары-дармек заводу иштейт. Шаар 7-кылымда Тибет падышасы Сронцзангамбо тарабынан негизделген деп божомолдонот. Потала ак сарай-монастыр комплекси (Далай-ламанын баштапкы резиденциясы), оймо-чиймеленип кооздолгон алтын, жыгач, таштан жасалган айкелдери бар үч ак сарай жана монастырлар сакталган жана Бүткүл дүйнөлүк мурастын тизмесине киргизилген. Лхасада геофизикалык обсерватория жана метеорология станциясы бар. Шаардын чет жакасында буудай, шалы айдалат. Бакчылык (кызыл өрүк, алма, алмурут) өнүккөн.

Оставьте комментарий!

Пикириңиз текшерилгенден кийин жайгаштырылат.

Вы можете войти под своим логином или зарегистрироваться на сайте.

(обязательно)