Кильчичаков Михаил Еремеевич

Кильчичаков Михаил Еремеевич 21. 11. 1919, Россия Советтик Федеративдик Социалистик Республикасы (РСФСР), Енисей губерниясы, Жогорку Төө (хакас тилинде Чоғархы Тӧӧ) айылы – 23. 08. 1990, ошол эле жер – хакас драматургу жана акыны. М. Горький атындагы Адабият институтун бүткөн (1953). Чыгармачылыгы 1947-жылдан башталган. Хакас айлынын согуштан кийинки турмушун чагылдырган «Аюу колот» (1956) комедиясы менен таанылган. М. Кильчичаков – «Жалбырактар неге саргаят» (1961) драмасынын, «Тирүү кан» (1962), «Жүрөктө калган тактар» (1964) ж. б. ыр жыйнактардын автору. Анын айрым чыгармалары кыргыз тилине которулган. «Ардак Белгиси» ордени жана медалдар жана сыйланган.