Сайттан маалымат издөө үчүн "издөө" формасына издеген сөздү жазып издеңиз. Мисалы: "Айтматов" - деп жазып. *** Эгер маалымат аз болсо, дагы издөө жүргүзүңүз, көбүрөөк маалыматты камтыган макалалар бар. *** Издөө жүргүзүп жатканда бир нече фраза жазбай, бир эле сөз жазсаңыз тезирээк табасыз. мисалы: "Шарипов" - деп.

Исанов Насирдин

Исанов Насирдин(1943, Ноокат району, Көк-Бел айылы -1991, Ленин району, сөөгү Бишкекке коюлган) - мамлекеттик ишмер. В. В. Куйбышев атындагы Москва курулуш-ишкенерлер институтун бүткөн (1965). Экономика илимдеринин кандидаты (1990). 1966—69-жылы № 3 «Ошшааркурулуш» трестинин курулушмонтаждоо башкармасында мастер, прораб, участканый начальниги. Кийинчерээк тресттин башкы технологу болуп эмгектенген. Андан соң Курулуш-монтаждоо башкармасынын № 5 «Ошшааркурулуш» трестинде башкы инженер. 1969-жылдан КПССтин мүчөсү.

1970-жылы февралдан партиялык кызматтарда. Кыргызстан КПнын Ош обкомунун курулуш бөлүмүндө инструктор, 1970-жылы декабрдан «Нарынгидроэнергокурулушунун» курулуш башкармасында (Каракөл ш.) парткомдун катчысы. 1974—76-жылы Кыргызстан ЛКЖСнын Ош обкомунун биринчи катчысы. Алматыдагы Жогорку партия мектебин бүткөн (1975). 1976-жылдан Кыргызстан КП БКнын шаар чарба жана курулуш бөлүмүндө бөлүм башчынын орун басары, 1979-жылдан бөлүм башчы. 1983—86-жылы Кыргыз ССР курулуш министри. Андан кийин Кыргыз ССР мамлекеттик курулуш комитетинде төраганын орун басары.

1988-жылы декабрдан Ысык-Көл облустук эл депутаттар кеңешинин аткаруу комитетинде төрага. 1990-жылы декабрдан Кыргыз Респ-сынын вице-президенти, 1991-жылы январдан -1991-жылы 29-ноябрга чейин Кыргыз Республиканын Премьер-министри. Эмгек Кызыл Туу, «Ардак Белгиси» ордендери жана медалдар менен сыйланган. 1980—91-жылы Кыргыз Республиканын жогорку Кеңешинин депутаты. И. жашаган үйгө мемориалдык такта орнотулган. Идун атынан Бишкекте көчө аталган.

Оставьте комментарий!

Пикириңиз текшерилгенден кийин жайгаштырылат.

Вы можете войти под своим логином или зарегистрироваться на сайте.

(обязательно)