Бул жерде Сиздин жарнама болушу мүмкүн! 0(707)48-14-46 whatsapp

Чач кеп

Чач кеп, кеп чач, баш кеп – элечектин астынан кийилген аялдардын баш кийими. Ал элечектин ички оромун терден, кирден сактаган. Чач кеп кызыл, кара манаттан жана баркыттан жасалган. Маңдайы тегиз, эки капталынан жаак (кулакчын) түшүрүлүп, желкесинен сала коймо (куйрулчук) чыгарылып, тышы колдо токулган ак бөз менен тышталып, ичи гүлдүү чыт менен астарланган. Кулакчындары эң майда илме, илме дос саймалары менен кооздолгон. Сайманын жээктерине майда седеп топчуларды, берметтерди жана башка кадашып, шуруларды тагышкан. Улгайган аялдардын чач кеби жөнөкөй болгон. Кездеменин өзүнөн төбө чыгарылып, ал тигилбестен, жип өткөрүп бүрмөлөнгөн же байланган.

Кыргыз Тарыхы. Энциклопедия. Мамлекеттик тил жана энциклопедия борбору. Бишкек, 2003. И. Арабаев атындагы Кыргыз мамлекеттик педагогикалык университети.

Оставьте комментарий!

Пикириңиз текшерилгенден кийин жайгаштырылат.

Вы можете войти под своим логином или зарегистрироваться на сайте.

(обязательно)