Бийиктикке узун камчы аркылуу секирип өтүү

Оюнчулардын саны 5—8 киши.

Оюн өткөрүлүүчү жер: аянтча, спорттук бөлмө.

Оюнда аспап катары узун камчы колдонулат.

Эки адам узун камчынын эки учунан кармашкандан кийин оюндун кезеги жана шарты жөнүндө сүйлөшүп алышат.

Камчыны макулдашышкан бийиктикте кармашып турушат. Калгандары кезектери келгенде бирден жүгүрүп келип күүлөнүшүп камчыдан секирип өтүүгө тийиш. Камчыдан секирип өткөндөр үчүн камчынын бийиктиги улам өйдөлөнөт. Оюндун жеңүүчүсүн аныктагыча өткөрүлө берет. Камчыдан секирип өтө албай калгандары, оюндун жеңүүчүсүн аныктагыча күтүшөт.

Оюндун башка түрү. Керилген аркандан секирип өтүү, бакандан секирип өтүү.

Камчыны макулдашышпай көтөрүүгө, түшүрүүгө, бир бирине тоскоолдук кылууга болбойт.

Оюнга методикалык көрсөтмө. Секирип түшчү жер жумшак, ыңгайлуу болушу керек.

Оюнда күч, ылдамдык, шамдагайлык тарбияланат, секирүүнүн ыкмаларын, түртүнүүнү үйрөтөт.

Оставьте комментарий!

Пикириңиз текшерилгенден кийин жайгаштырылат.

Вы можете войти под своим логином или зарегистрироваться на сайте.

(обязательно)