Бул жерде Сиздин жарнама болушу мүмкүн! 0(707)48-14-46 whatsapp *** Таанышуу боюнча жарнамалар 1 жумага 50 сом

Ацетат буласы

Ацетат буласы - ацетил целлюлозадан алынуучу жасалма була. А. б. эки түрү бар: диацетил целлюлоза жана триацетилцеллюлоза. А. б. целлюлозаны орг. эриткичтерге эритүүдөн алынат. Диацетилцеллюлозадан алынган ацетат буласы 17-22% гидроксил жана 78-83% чейин ацетил топторун алып жүрөт. Мындай булалар гидрофилдик касиетке ээ жана 6,5% чейин нымдуулукту өзүнө тартат (абанын 65% нымдуулугунда, бөлмө темп-расында). Триацетилцеллюлозадан алынган була 97-98%, кээде 100% чейин ацетил тобун алып жүргөндүктөн, гидрофобдук касиетке ээ жана 1-1,5% гана нымдуулукта болушат. А. б. диацетил-целлюлозадан алуу кеңири таралып, андан өнөр жай үчүн тех. мааниси бар буюмдар даярдалат. Анткени мындай булалар электроизоляциялык касиети б-ча синтет. жана жаратылыш булаларынан жогору турат. А. б. көпчүлүк учурда эксплуатациялык касиеттери б-ча синтет. булаларга караганда жогору турат. Созулгуч, жумшак жана кооз келгендиктен, жибек кездемелерин жана тор кийимдерди даярдоо үчүн колдонулат. Андан жасалган кездемелер аз бырышып, ультракызгылт көк нурларын жакшы өткөрөт. Жогорку темп-рада, щелочтор менен орг. эриткичтер таасирине, сүрүлүүгө чыдамсыз. Ал эми кеңири керектөөчү буюмдар жасоодо, кээде нооту жана сокмо кездемелер даярдоодо жүн ордуна колдонулат.

Оставьте комментарий!

Пикириңиз текшерилгенден кийин жайгаштырылат.

Вы можете войти под своим логином или зарегистрироваться на сайте.

(обязательно)